अख्तियारबाट भ्रष्टाचार मुद्दामा मुछिने पहिलो पूर्वप्रधानमन्त्री बने माधव नेपाल

राजनीति

गृहपृष्ठ
राजनीति

अख्तियारबाट भ्रष्टाचार मुद्दामा मुछिने पहिलो पूर्वप्रधानमन्त्री बने माधव नेपाल

क्यापिटल नेपालबिहीबार, जेठ २२, २०८२

काठमाडौं। अख्तियार दुरुपयोग अनुसन्धान आयोगले पतञ्जली जग्गा प्रकरणमा भ्रष्टाचार भएको दाबी गर्दै पूर्वप्रधानमन्त्री माधवकुमार नेपालसहित ९३ जनाविरुद्ध विशेष अदालतमा मुद्दा दायर गरेको छ।

मुद्दा दायरसँगै सांसद पदबाट निलम्बित नेता नेपालको नाममा अर्को रेकर्ड कायम भएको छ।

काभ्रेको पतञ्जली जग्गा हदबन्दी छुट प्रकरणमा अख्तियारले अनुसन्धान गरी पूर्वप्रधानमन्त्री नेपालसहित ९३ जनाविरुद्ध मुद्दा दायर गरेको छ भने १८ करोड ५८ लाख रुपैयाँ बिगो माग दाबी गरिएको छ।

योसँगै अख्तियारको भ्रष्टाचार मुद्दामा मुछिनेमा नेता नेपाल पहिलो पूर्वप्रधानमन्त्री बनेका छन् । यद्यपि २०६१ मा तत्कालीन राजा ज्ञानेन्द्र शाहको प्रत्यक्ष शासनकालमा भ्रष्टाचार निवारण शाही आयोगले पूर्वप्रधानमन्त्री शेरबहादुर देउवालाई मुद्दा लगाएको थियो। यो आयोग लोकतन्त्र बहालीपछि खारेज भएको थियो।

त्यसअघि र त्यसपछि भ्रष्टाचारविरुद्ध काम गर्ने वैधानिक निकाय अख्तियार आयोग हो। आयोगले हालसम्म विभिन्न मन्त्रीसम्मका ओहोदामा आसीन व्यक्तिलाई मुद्दा लगाउँदै आएको थियो। आज नेता नेपालमाथि लगाइएको भ्रष्टाचार मुद्दा सम्भवतः पूर्वप्रधानमन्त्रीका हकमा पहिलो मानिएको छ।

प्रकाशित मिति: बिहीबार, जेठ २२, २०८२ १४:१०

प्रतिक्रिया दिनुहोस्