व्यवस्थित सहर बनाउन मन्त्रालयले योजना बनाएको छ- उपप्रधानमन्त्री सिंह

राजनीति

गृहपृष्ठ
राजनीति

व्यवस्थित सहर बनाउन मन्त्रालयले योजना बनाएको छ- उपप्रधानमन्त्री सिंह

क्यापिटल नेपालबिहीबार, जेठ २२, २०८२

कैलाली। उपप्रधानमन्त्री तथा सहरी विकासमन्त्री प्रकाशमान सिंहले सहरी विकास मन्त्रालयले घोषणा गरेका १२ सहरलाई व्यवस्थित बनाउन योजना बनाएको बताएका छन्।

नेपाल प्रेस युनियन कैलाली शाखाले धनगढीमा आयोजना गरेको पत्रकार सम्मेलनमा उपप्रधानमन्त्री सिंहले त्यसलाई कार्यान्वयन गर्नका लागि मन्त्रालयले जोड दिइरहेको बताएका हुन्। उनले यसै वर्ष सहरी विकास नीति पारित भएको जानकारी दिए।

उनले भने, “सहरी विकास नीति मन्त्रिपरिषद्बाट पारित भइसकेपछि अब त्यसलाई संसद्मा लैजान विधेयकको तयारी अन्तिम चरणमा पुगेको छ।”

सहरी विकास ऐन आइसकेपछि सहरको व्यवस्थित रुपमा विकास गरिने उनले बताए। राजनीतिक स्थायित्वका लागि नेपाली कांग्रेस र नेकपाल एमालेको संयुक्त सरकार बनेको उपप्रधानमन्त्री सिंहले उल्लेख गरे।

कर्मचारीले गलत गरेकै आधारमा गृहमन्त्री रमेश लेखकको राजीनामा माग गर्ने विषय उपयुक्त नभएको उनको भनाइ थियो।

प्रकाशित मिति: बिहीबार, जेठ २२, २०८२ २१:०६

प्रतिक्रिया दिनुहोस्