वातावरण संरक्षण र प्रदूषण नियन्त्रण गर्न अर्थ मन्त्रीको जोड

राजनीति

गृहपृष्ठ
राजनीति

वातावरण संरक्षण र प्रदूषण नियन्त्रण गर्न अर्थ मन्त्रीको जोड

क्यापिटल नेपालशनिबार, जेठ ३१, २०८२

काठमाडौं। उपप्रधानमन्त्री एवं अर्थमन्त्री विष्णुप्रसाद पौडेलले वातावरण संरक्षण तथा प्रदूषण नियन्त्रणलाई सरकारले प्राथमिकतामा राखेर काम गरिरहेको बताउँदै त्यसमा हरेक नेपालीको सहयोग आवश्यक भएको बताएका छन्।

काठमाडौंमा आयोजित विद्युतीय सवारी साधन ‘ईभी र्याली’मा उनले वातावरण संरक्षणलाई जलवायु परिवर्तनका कारण उत्पन्न हुन सक्ने जोखिमलाई दृष्टिगत गरेर तदनुरुप नीति निर्माणमा लागेको बताए।

अर्थमन्त्री पौडेलले भने, 'स्वच्छ वातावरणको सुनिश्चितता कुनै देश विशेषको नभएर सिंगो पृथ्वीको साझा चासो हो। एकातिर विकासका आवश्यकतालाई सम्बोधन गर्नुछ भने अर्कोतिर स्वच्छ वातावरण निर्माण। ‘सगरमाथा संवाद’ आयोजना गरेर हामीले वातावरण संरक्षणका निम्ति हामी प्रतिबद्ध रहेको सन्देश दिएका छौँ।'