नाम निसाना हराएको वीपी राजमार्ग (तस्बिरहरू)

फोटो फिचर

गृहपृष्ठ
फोटो फिचर

नाम निसाना हराएको वीपी राजमार्ग (तस्बिरहरू) बाढीले क्षति पुर्याएको सडकमा निर्माण गरिएको डाइभर्सन यस वर्ष बाढीले बगाउँदा राजमार्ग पूर्ण रुपमा बन्द भएको हो।

क्यापिटल नेपाल बिहीबार, असोज २३, २०८२

काठमाडौं। गत असोज १८ र १९ गतेको अविरल वर्षाका कारण रोशी खोलामा आएको बाढीले क्षतिग्रस्त वीपी राजमार्गअन्तर्गतको चौकीडाँडा सडक क्षेत्रमा धमाधम काम भइरहेको छ।

बाढीले क्षति पुर्याएको सडकमा निर्माण गरिएको डाइभर्सन यस वर्ष बाढीले बगाउँदा राजमार्ग पूर्ण रुपमा बन्द भएको हो। यस राजमार्गअन्तर्गत प्याकेज १ अन्तर्गत दाप्चा पुल, चारसयबेशी, कटुञ्जे घुमाउने खण्डको सडक डाइभर्सन निर्माण कार्य सम्पन्न भएको र चौकीडाँडा क्षेत्रमा डाइभर्सन निर्माणको काम आज सकिने नवकान्तिपुर जोईन्ट भेञ्चरका प्रतिनिधि जनक भट्टले जानकारी दिए।

त्यस्तै, सोही राजमार्गको प्याकेज २ अन्तर्गत गिम्दीबेँशीदेखि डल्लाबेँशीसम्मको डाइभर्सन सडक पनि आजै सम्पन्न हुने डिभिजन सडक कार्यालय भक्तपुरले जनाएको छ।

प्याकेज ३ अन्तर्गत सुख्खा पहिरोदेखि माम्तीसम्मको डाइभर्सन सडक निर्माण भोलिसम्म सक्ने र ततपश्चात् सो राजमार्ग पूर्ण रुपमा संचालन हुने डिभिजन सडक भक्तपुरले जानकारी दिएको छ।

अहिले राजमार्गको चौकीडाँडा क्षेत्रमा जोखिम मोलेर भित्ताबाट पैदल यात्रा गर्दै गन्तव्य पुग्नुपर्ने अवस्था छ। खोलामा पानीको बहाव कायम रहेकाले काम गर्न केही कठिनाइ भइरहेको छ।

BP-Highway_-(33)-1760000270.jpg