देशभर राष्ट्रिय सभा उम्मेदवारी मनोनयन आज, १८ सदस्य निर्वाचित हुने

राजनीति

गृहपृष्ठ
राजनीति

देशभर राष्ट्रिय सभा उम्मेदवारी मनोनयन आज, १८ सदस्य निर्वाचित हुने

क्यापिटल नेपाल बुधबार, पुस २३, २०८२

काठमाडौं। राष्ट्रिय सभा सदस्य निर्वाचनका लागि आज देशभर उम्मेदवारको मनोनयन हुने भएको छ। निर्वाचन आयोगले आगामी माघ ११ गतेका लागि राष्ट्रियसभा सदस्य निर्वाचन गर्दैछ । राष्ट्रिय सभामा रिक्त हुने कुल १८ सदस्यका लागि निर्वाचन हुन लागेको हो।

आयोगले यसअघि पुस १९ गते मतदाता नामावली प्रकाशन गरिसकेको छ। यस्तै, मंगलबार मतदाता नामावलीमा कुनै दावी विरोध भए नभएको यकिन गरी अन्तिम मतदाता नामावली पनि सार्वजनिक गरिसकेको छ।

आज बिहान १० बजेदेखि दिउँसो ३ बजेसम्म उम्मेदवारको मनोनयनपत्र दर्ता गर्ने कार्यक्रम रहेको आयोगले जनाएको छ।

आयोगका अनुसार पुस २४ गते उम्मेदवारको विरोधमा उजुरी दिने, पुस २७ गते उम्मेदवारले चाहेमा नाम फिर्ता लिने र सोही दिन दिउँसो अन्तिम नामावली प्रकाशन गर्ने कार्यक्रम छ। पुस २८ गते उम्मेदवारलाई निर्वाचन चिन्ह प्रदान गरिनेछ। आगामी माघ ११ गते बिहान ९ बजेदेखि दिउँसो ३ बजेसम्म मतदान हुने गरी तोकिएको छ।