मेयर छाडेर सांसद बन्ने दौडमा हर्क साम्पाङ, सुनसरी–१ बाट उम्मेदवारी दिने घोषणा

राजनीति

गृहपृष्ठ
राजनीति

मेयर छाडेर सांसद बन्ने दौडमा हर्क साम्पाङ, सुनसरी–१ बाट उम्मेदवारी दिने घोषणा

क्यापिटल नेपाल बुधबार, पुस २३, २०८२

काठमाडाैं। धरान उपमहानगरपालिकाका मेयर हर्क साम्पाङले आगामी प्रतिनिधिसभा निर्वाचनमा सुनसरी क्षेत्र नम्बर १ बाट उम्मेदवारी दिने घोषणा गरेका छन्।

हालै मात्र ‘श्रम संस्कृति पार्टी’ गठन गरी देशभर संगठन विस्तारमा लागेका उनले सामाजिक सञ्जाल फेसबुकमार्फत आफू आफ्नै कार्यक्षेत्र रहेको सुनसरी–१ बाटै चुनाव लड्ने बताएका हुन्।

गत स्थानीय तह निर्वाचनमा स्वतन्त्र उम्मेदवारका रूपमा धरानको मेयर जितेर चर्चामा रहेका उनले नयाँ पार्टी खोलेपछि उनको चुनावी क्षेत्रबारे विभिन्न अड्कलबाजी भइरहेका थिए। विशेषगरी उनले खोटाङबाट चुनाव लड्न सक्ने अनुमान गरिएको थियो। तर, उनले सुनसरी–१ बाटै चुनाव लड्ने बताए। ‘म सुनसरी क्षेत्र नं. १ बाटै प्रतिनिधिसभाको चुनाव लड्नेछु,’ साम्पाङले लेखेका छन्।

प्रकाशित मिति: बुधबार, पुस २३, २०८२ १३:३४