घरजग्गा कारोबार लाइसेन्स व्यवस्था स्थगित

पूर्वाधार

गृहपृष्ठ
पूर्वाधार

घरजग्गा कारोबार लाइसेन्स व्यवस्था स्थगित

क्यापिटल नेपाल बुधबार, फागुन २०, २०८२

काठमाडौं। भूमि व्यवस्थापन तथा अभिलेख विभागले हाललाई घरजग्गा कारोबार गर्न लाइसेन्स लिनुपर्ने व्यवस्था स्थगित गरिएको सूचना जारी गरेको छ। विभागले इजाजतपत्र प्राप्त कम्पनी तथा संस्थामार्फत हुने जग्गासम्बन्धी कारोबार अस्थायी रूपमा स्थगित गरेको हो।

इजाजतपत्र प्राप्त कम्पनी वा संस्थामार्फत गरिने जग्गा खरिद–बिक्री, लिखत दर्ता, नामसारी लगायतका कारोबार हाललाई स्थगित गरिएको विभागको सूचनामा उल्लेख छ। विभागले सबै मालपोत कार्यालय, नापी कार्यालय, इजाजतपत्र प्राप्त कम्पनी तथा सेवाग्राहीलाई यस निर्णयको पालना गर्न अनुरोध गरेको छ।

मालपोत ऐन, २०३४ को अनुसार घरजग्गा कारोबार गर्न इजाजत लिनु पर्ने व्यवस्था बमोजिम गत असोजमा राजपत्रमा प्रकाशित सूचना अनुसार महानगरपालिका र उपमहानगर क्षेत्रभित्र प्राकृतिक र कानुनी व्यक्ति वा कानुनी व्यक्तिहरूबीच घरजग्गासम्बन्धी कारोबार गर्न इजाजत लिनुपर्ने व्यवस्था गरिएको थियो।

सोहीबमोजिम विभागले निवेदन दिन सूचना प्रकाशन पनि गरेको थियो। उक्त व्यवस्था फागुन २५ गतेबाट लागु हुने भनिएको थियो।

प्रकाशित मिति: बुधबार, फागुन २०, २०८२ १५:२९

प्रतिक्रिया दिनुहोस्