जनतामुखी विकासलाई प्राथमिकतामा राख्न मन्त्री चौधरीको निर्देशन

राजनीति

गृहपृष्ठ
राजनीति

जनतामुखी विकासलाई प्राथमिकतामा राख्न मन्त्री चौधरीको निर्देशन

क्यापिटल नेपाल सोमबार, चैत २३, २०८२

काठमाडौं। वन तथा वातावरण र कृषि तथा पशुपन्छी विकासमन्त्री गिता चौधरीले वन संरक्षण, बजेटको प्रभावकारी प्रयोग र जनतामुखी विकासलाई प्राथमिकतामा राख्न निर्देशन दिएका छन्। मन्त्री चौधरीले आज राष्ट्रिय निकुञ्ज तथा वन्यजन्तु संरक्षण विभाग र वन तथा भूसंरक्षण विभागमै पुगेर संक्षिप्त जानकारी लिदै वन संरक्षण, बजेटको प्रभावकारी प्रयोग र जनतामुखी विकासलाई प्राथमिकतामा राख्न निर्देशन दिएका हुन्।

संरक्षणका नाममा खर्च हुने बजेटको पारदर्शितामा प्रश्न उठाउँदै मन्त्री चौधरीले भनीन, ‘वन संरक्षणका नाममा विनियोजित रकम अधिकांश तालिम र गोष्ठी जस्ता कार्यक्रममै सीमित भएकोमा गुनासो छ, आगामी दिनमा यहाँहरुले यो विषयलाई ध्यान दिनुहोला।’

मन्त्री चौधरीले कम्तीमा ९० प्रतिशत बजेट प्रत्यक्ष संरक्षण र जनताको हितमा खर्च हुनुपर्नेमा जोड निर्देशन दिनु भएको हो। ‘जनताको सहभागिता र लाभ सुनिश्चित नगरी संरक्षणको नाममा खर्च गर्नु हुँदैन,’ उनले भनीन।
विकास निर्माणका काममा ढिलाइ नगर्न निर्देशन दिँदै मन्त्रीले फाइल रोक्ने प्रवृत्ति अन्त्य गर्न सम्बन्धित निकायलाई सचेत गराइन्। कुनै समस्या भए तुरुन्त कारण खुलाएर पठाउन र अन्तरमन्त्रालय समन्वय आफूले गर्ने मन्त्री चौधरीलेप्रतिबद्धता व्यक्त गरिन्।

कानुन संशोधन आवश्यक परे सम्बन्धित विभागबाट प्रस्ताव पठाउन आग्रह गर्दै मन्त्री चौधरीले मन्त्रालयबाट प्रक्रिया नरोकिने तर्क राखिन्। ‘जनताको काम कुनै पनि हालतमा रोकिनु हुँदैन।’ उनले जोड दिइन्। स्थानीय तहसँग समन्वय गर्दै संरक्षण र विकासलाई सन्तुलित रूपमा अगाडि बढाउनुपर्ने आवश्यकता औंल्याउँदै मन्त्री चौधरीले वनलाई केवल संरक्षणको विषय नभई समृद्धिको आधारका रूपमा प्रस्तुत गर्नुपर्ने बताइन्।

प्रकाशित मिति: सोमबार, चैत २३, २०८२ १९:५२

प्रतिक्रिया दिनुहोस्