तीन दिनभित्र हटाइँदै थापाथलीस्थित सुकुम्बासी बस्ती, सुरक्षा प्रमुखलाई प्रधानमन्त्रीको निर्देशन

राजनीति

गृहपृष्ठ
राजनीति

तीन दिनभित्र हटाइँदै थापाथलीस्थित सुकुम्बासी बस्ती, सुरक्षा प्रमुखलाई प्रधानमन्त्रीको निर्देशन

क्यापिटल नेपाल बिहीबार, वैशाख १०, २०८३

काठमाडौं। प्रधानमन्त्री बालेन्द्र शाह बालेनले आगामी शनिबार र आइतबारभित्र थापाथलीस्थित बागमती नदी किनारामा रहेका सुकुम्बासी बस्ती हटाउन सुरक्षा प्रमुखलाई निर्देशन दिएका छन्।

गृहमन्त्रीसमेतको कार्यभार सम्हालेका प्रधानमन्त्री बालेनले आईजीपी दानबहादुर कार्की र सशस्त्र प्रहरीका आईजी राजु अर्यालसहितका उच्च सुरक्षा अधिकृतलाई बोलाएर सुकुम्बासी बस्ती हटाउन निर्देशन दिएका हुन्।

सुरक्षा निकायका प्रमुखले काठमाडौंका प्रमुख जिल्ला अधिकारीसँग छलफल गरेर अतिक्रमित बागमती नदी किनाराका बस्ती खाली गराइने बताएको बुझिएको छ।

यसअघि काठमाडौं महानगरको मेयर हुँदा नदी किनाराका सुकुम्बासी बस्ती खाली गर्न खोजिए पनि राजनीतिक आडमा प्रतिवाद हुँदा असफल भएको थियो।

प्रकाशित मिति: बिहीबार, वैशाख १०, २०८३ ०६:२९

प्रतिक्रिया दिनुहोस्