अध्यादेश विवादः प्रधानमन्त्रीका राजनीतिक सल्लाहकारको दाबी–जनतालाई सुशासन प्रत्याभूति दिलाउन ल्याएका हौं

राजनीति

गृहपृष्ठ
राजनीति

अध्यादेश विवादः प्रधानमन्त्रीका राजनीतिक सल्लाहकारको दाबी–जनतालाई सुशासन प्रत्याभूति दिलाउन ल्याएका हौं

क्यापिटल नेपाल बिहीबार, वैशाख १७, २०८३

काठमाडौं। संसद् छलेर अध्यादेश ल्याएपछि विवादमा परेको बालेन्द्र शाह बालेन नेतृत्वको सरकार सत्तारुढ रास्वपाले यसलाई वैधानिक भएको दाबी गरेका छन्। प्रधानमन्त्री शाहका राजनीतिक सल्लाहकार असीम शाहले सरकारले सार्वजनिक सेवा प्रवाह र प्रशासनिक प्रणालीमा रहेका नीतिगत जटिलताहरू हटाउन महत्त्वपूर्ण कदम चालेको बताएका छन्।

आज सामाजिक सञ्जालमा पोस्ट गर्दै सार्वजनिक सरोकारका निर्णयहरू निश्चित समयभित्रै सम्पादन गरी जनतालाई सुशासनको प्रत्याभूति गराउन यो अध्यादेश ल्याइएको बताएका हुन्। ‘पुराना र जटिल कानुनी प्रावधानका कारण जनहितका कार्यमा हुने विलम्बलाई यसले अन्त्य गर्नेछ,’ उनले भने।

उनले २०८३ वैशाख १४ गतेको मन्त्रिपरिषद् बैठकको सिफारिसमा राष्ट्रपति रामचन्द्र पौडेललाई अध्यादेशहरू प्रमाणीकरण गर्न पठाएको जनाए।

उनले यी अध्यादेश कुनै व्यक्ति वा समूहको स्वार्थका लागि नभई विशुद्ध रूपमा नागरिकको हित र राज्य संयन्त्रको प्रभावकारिताका लागि ल्याइएको दाबी गरे। ‘कानुनी जटिलताका कारण जनसरोकारका काम रोकिनुहुँदैन भन्ने लोकतान्त्रिक मान्यतालाई आत्मसात् गर्दै यसले देशको समृद्धिको यात्रालाई थप गति दिने बलियो आधार खडा गरेको छ,’ उनले सामाजिक सञ्जालमा लेखेका छन्।