विशेष अदालतको आदेशः विष्णु पौडेललाई साधारण तारेखमा छोड्नु

राजनीति

गृहपृष्ठ
राजनीति

विशेष अदालतको आदेशः विष्णु पौडेललाई साधारण तारेखमा छोड्नु

क्यापिटल नेपाल शुक्रबार, साउन १, २०८३

काठमाडौं। विशेष अदालतले नेकपा एमालेका उपाध्यक्ष एवं पूर्वअर्थमन्त्री विष्णु पौडेललाई साधारण तारेखमा छाड्न आदेश दिएको छ। सम्पत्ति शुद्धीकरणसम्बन्धी कसुरमा प्रतिवादी बनाइएका पौडेलको शुक्रबारको थुनछेक बहसपछि विशेष अदालका सदस्य न्यायाधीशत्रय नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासले उक्त आदेश दिएको हो।

व्यवसायी दीपक भट्टलगायतलाई गैरकानुनी सम्पत्ति लुकाउन एवं छल्ने वातावरण बनाएको भन्दै सम्पत्ति शुद्धीकरण विभागले मतियारका रूपमा पौडेलसहित ६ जना र १० प्रालिसहित १६ जनाविरुद्ध बिहीबार विशेष अदालतमा मुद्दा दायर गरेको थियो। पौडेलको हकमा २० करोड ९० लाख बिगो र बैंक मौज्दात ६ लाख ३४ हजार ५४५ जफतको मागदाबी गरिएको छ।

प्रकाशित मिति: शुक्रबार, साउन १, २०८३ १८:०१

प्रतिक्रिया दिनुहोस्