नवलपुरमा अचेत अवस्थामा भेटिएका दुई महिलाको मृत्यु

समाज

गृहपृष्ठ
समाज

नवलपुरमा अचेत अवस्थामा भेटिएका दुई महिलाको मृत्यु

क्यापिटल नेपाल सोमबार, साउन ११, २०८३

काठमाडौं। नवलपुरमा अचेत अवस्थामा भेटिएका दुई महिलाको उपचार गर्दागर्दै निधन भएको छ।

केन्द्रीय प्रहरी समाचार कक्षका अनुसार गैंडाकोट नगरपालिका–१० स्थित अकलामाई मन्दिर नजिकै चौरमा उनीहरू अचेत भेटिएका थिए।

पूर्व–पश्चिम राजमार्गको बायाँ साइडमा फेला परेका दुवै जनालाई उद्धार गरी उपचारका लागि नगर अस्पताल भेडाबारी पठाएकामा उपचारका क्रममा निधन भएको हो हो।

अस्पताल पुर्याएपछि चिकित्सकले दुवै जनालाई मृत घोषणा गरेको नवलपुरका डीएसपी एवं सूचना अधिकारी अनिल पण्डितले बताए।

उनका अनुसार, मृत्यु हुनेमा बागलुङको जैमिनी ९ घर भई हाल गैँडाकोट १२ हर्कपुरमा डेरा गरी बस्ने ३८ वर्षीया कविता राई र भोजपुर घर भई हाल गैँडाकोट– १० पितौजी बस्ने अन्दाजी ४५ वर्षीया कान्छी राई छन्।

घटनास्थलमा जिल्ला प्रहरी कार्यालयबाट थप अनुसन्धान टोली खटिएर विस्तृत अनुसन्धान भइरहेको प्रहरीले बताएको छ।

प्रकाशित मिति: सोमबार, साउन ११, २०८३ ११:०४

प्रतिक्रिया दिनुहोस्