नारायणी डेभलपमेन्ट बैंकको हकप्रद सेयर किन्ने आज अन्तिम दिन

मुख्य समाचार

गृहपृष्ठ
मुख्य समाचार

नारायणी डेभलपमेन्ट बैंकको हकप्रद सेयर किन्ने आज अन्तिम दिन

क्यापिटल नेपाल सोमबार, फागुन ३, २०७७

काठमाडौं । नारायणी डेभलपमेन्ट बैंकको १०० प्रतिशत हकप्रद सेयरमा आवेदन दिन आज सोमबारसम्म मात्र पाइने भएको छ । सोमबार कार्यालय समयसम्म मात्र यसमा आवेदन दिन सकिने बैंकले जनाएको छ ।

बैंकले माघ १३ गतेबाट चुक्तापुँजी बढाउन १०० प्रतिशत हकप्रद सेयर सेयर निष्कासन गरेको हो । बैंकले पहिलो चरणमा ६ लाख ५६ हजार १६९ कित्ता हकप्रद सेयर निष्कासन गरेको छ । पुस २८ गतेसम्म कायम सेयरधनीले आवेदन आवेदन दिन पाउने बिक्री प्रवन्धक ग्लोबल आइएमई क्यापिटलले जनाएको छ ।

हकप्रदलाई क्रेडिट रेटिङ एजेन्सी इक्रा नेपालले ‘इक्राएनपीआइआर सिंगल सी’ रेटिङ प्रदान गरेको छ । बैंकको चुक्ता पुँजी ६ करोड ५६ लाख १७ हजार रुपैयाँ रहेको छ । १०० प्रतिशत हकप्रद सेयर निष्कासनपछि चुक्ता पुँजी १३ करोड १२ लाख ३४ हजार रुपैयाँ पुग्नेछ ।

यसपछि बैंकले २०० प्रतिशत हकप्रद सेयर निष्कासन गरेर चुक्तापुँजी ३९ करोड रुपैयाँ पुर्याउने छ । बैंकले न्यूनतम चुक्तापुँजी ५० करोड रुपैयाँ पुर्याउनु पर्नेछ ।

प्रकाशित मिति: सोमबार, फागुन ३, २०७७ ०८:४७

प्रतिक्रिया दिनुहोस्