एनआईसी एशिया बैङ्कका कर्मचारी र ग्राहकलाई होटल ह्यारिसन प्यालेसमा छुट

बैंकिङ

गृहपृष्ठ
बैंकिङ

एनआईसी एशिया बैङ्कका कर्मचारी र ग्राहकलाई होटल ह्यारिसन प्यालेसमा छुट

क्यापिटल नेपाल सोमबार, साउन २०, २०७६

काठमाडौं । एनआईसी एशिया बैङ्क लिमिटेड र होटल ह्यारिसन प्यालेस, बन्जारा चोक विराटनगरबीच बैङ्कका सम्पूर्ण ग्राहक तथा कर्मचारीलाई होटलका विभिन्न सेवा सुविधामा ३० प्रतिशतसम्म छुट प्रदान गर्ने सम्झौता भएको छ ।

सम्झौता पत्रमा बैङ्कका तर्फबाट प्रदेश १ का प्रादेशिक कार्यालयका प्रमुख दीपक थापा र होटलका तर्फबाट होटलका म्यानेजर प्रदीप पोखरेलले हस्ताक्षर गरेका छन् । यसबाट प्रदेश १ को मुख्य सहर विराटनगर घुम्न जाने बैङ्कका ग्राहक लाभान्वित हुने विश्वास बैङ्कले लिएको छ ।

बैङ्कलाई आमजनमानसले गरेको प्रगाढ विश्वास, अगाध स्नेह र बैङ्कप्रतिको भरोसाले मुलुकभर बैङ्कका २९५ शाखा कार्यालय, ३२० एटीएम, ५५ ओटा एक्स्टेन्सन काउन्टर एवम् ४१ ओटा शाखारहित बैङ्किङमार्फत् सेवा प्रदान गर्ने मुलुककै सबैभन्दा ठूलो शाखा सञ्जाल भएको बैङ्क हुन सफल भएको छ ।

प्रकाशित मिति: सोमबार, साउन २०, २०७६ १७:२०

प्रतिक्रिया दिनुहोस्