एनएमबी बैंकको साधारणसभा पुस २२ मा, १५.८ प्रतिशत लाभांश पारित गर्ने, चुक्ता पुँजी बढेर १८ अर्ब ३६ करोड पुग्ने

मुख्य समाचार

गृहपृष्ठ
मुख्य समाचार

एनएमबी बैंकको साधारणसभा पुस २२ मा, १५.८ प्रतिशत लाभांश पारित गर्ने, चुक्ता पुँजी बढेर १८ अर्ब ३६ करोड पुग्ने

क्यापिटल नेपाल मंगलबार, मंसिर १४, २०७८

काठमाडौं । एनएमबी बैंकको २६ औं वार्षिक साधारणसभा पुस २२ गते हुने भएको छ । सञ्चालक समितिको सोमबार बसेको बैठकले साधारणसभाको मिति तोकेको हो । सभाले गत आर्थिक वर्षमा गरेको नाफाबाट सेयरधनीहरुलाई १५.८ प्रतिशत लाभांश पारित गर्ने छ ।

जसअनुसार बैंकले सेयरधनीहरुलाई १२.५० प्रतिशत अर्थात २ अर्ब ४ करोड ७ लाख रुपैयाँ बोनस सेयर वितरण गर्ने भएको छ । यस्तै ३.३ प्रतिशत ५३ करोड ८७ लाख रुपैयाँ करसहित नगद लाभांश दिने प्रस्ताव सभाले पारित गर्ने छ ।

बोनस सेयर वितरणपछि बैंकको चुक्ता पुँजी बढेर १८ अर्ब ३६ करोड ६७ लाख रुपैयाँ पुग्ने जानकारी बैंकले दिएको छ । हाल बैंकको चुक्ता पुँजी १६ अर्ब ३२ करोड ६९ लाख रुपैयाँ छ ।