अर्थमन्त्री शर्माको कुलमानलाई फोन, उद्योगमा गरिएको लोडसेडिङ तत्काल हटाउनुस

उद्योग

गृहपृष्ठ
उद्योग

अर्थमन्त्री शर्माको कुलमानलाई फोन, उद्योगमा गरिएको लोडसेडिङ तत्काल हटाउनुस

क्यापिटल नेपालबुधबार, चैत ९, २०७८

काठमाडौं । उद्योगीहरुले मंगलबारदेखी बिजुली कटौती भएको गुनासो गरेपछि अर्थमन्त्री जनार्दन शर्माले नेपाल विद्युत प्राधिकरणका कार्यकारी निर्देशक कुलमान घिसिङलाई फोन गरी आपूर्ति सूचारु गर्न निर्देशन दिएका छन् ।

‘अहिलेको जे समस्या हो, त्यसलाई चाँडो हल गरी उद्योगहरुमा मागअनुसार नियमित रुपमा बिजुली उपलब्ध गराउनुहोला’ प्रबन्ध निर्देशक घिसिङलाई निर्देशन दिदै अर्थमन्त्री शर्माले भने ।

बुधबार दिउँसो अर्थ मन्त्रालयमा वीरगञ्ज उद्योग वाणिज्य संघका पदाधिकारीहरु मन्त्री शर्मालाई भेट गर्न आएका थिए । सोही बेला उद्योगी व्यवसायीले मंगलबारदेखी उद्योगमा बिजुली कटौती भएको गुनासो राखेका थिए ।

सो भेटमा बीरगञ्जका उद्योगी व्यवसायीले आफुले भोगिरहेको समस्या सुनाउँदै आगामी बजेट निर्माणमा सघाउ पुग्ने महत्वपूर्ण सुझावहरु दिएका थिए । वीरगञ्ज उद्योग वाणिज्य संघका अध्यक्ष सुबोधकुमार गुप्ताको नेतृत्वमा आएको टोलीले मंगलबारदेखी उद्योगमा लोडसेडिङ भएकाले समस्यामा परेको, बैंकमा धरौटी राखेको पैसाको ब्याज आउने वातावरणा मिलाइदिनुपर्ने, कृषि क्षेत्रमा तोकिएको सीमाअनुसार बैंकले कर्जा बितरण गर्नुपर्ने, सामाजिक सरक्षा कोषलाई शंशोधन गरी उद्योगी र कर्मचारीमैत्री बनाउनुपर्ने, स्वास्थ्य–शिक्षासहित गाँँस, बास, कपासका उद्योगलाई आयकरमा छुट व्यवस्था हुनुपर्नेलगायतका सुझाव दिएका थिए ।

प्रकाशित मिति: बुधबार, चैत ९, २०७८ २०:३९

प्रतिक्रिया दिनुहोस्