आयात र निर्यातमा नयाँ रेकर्ड, करिब १८ खर्बको वस्तु भित्रिँदा १८५ अर्बको वस्तु बाहिरियो

मुख्य समाचार

गृहपृष्ठ
मुख्य समाचार

आयात र निर्यातमा नयाँ रेकर्ड, करिब १८ खर्बको वस्तु भित्रिँदा १८५ अर्बको वस्तु बाहिरियो

क्यापिटल नेपालबुधबार, असार २२, २०७९

काठमाडौं । चालू आवको ११ महिनामा नेपालले आयात र निर्यातमा नयाँ रेकर्ड कायम गरेको छ । गत वर्ष १७ खर्ब ३९ अर्ब रकम बराबरको वस्तु आयात भएकोमा यस वर्ष १६ खर्ब ६३ बढी अर्बको आयात भएसँगै नयाँ रेकर्ड कायम भएको हो ।

भन्सार विभागका अनुसार चालू आवको ११ महिनाको अवधिमा करिब १८ खर्ब बढीको वस्तु आयात भएको छ । भन्सार विभागका अनुसार नेपालले चालू आर्थिक वर्षको ११ महिनाको अवधिमै १७ खर्ब ६३ अर्ब २२ करोड रुपैयाँ आयात हुँदा १ खर्ब ८५ अर्बको वस्तु निर्यात भएको बताएको छ ।

गत वर्ष यसै अवधिमा १ अर्ब २१ करोड रुपैयाँ बराबरको वस्तु निर्यात भएको थियो । गत वर्षको तुलनामा नेपालको आयात २७.५ प्रतिशतले बढेको छ भने ५३.३ प्रतिशतले निर्यातमा वृद्धि भएको छ ।

नेपालले उच्च आयात भएको भन्दै विभिन्न वस्तुमा प्रतिबन्ध गरेको छ । साथै, नेपाल राष्ट्र बैंकले ४७ वटा वस्तुको आयातमा प्रतिपत्र (एलसी) को व्यवस्था गरेको छ । सो व्यवस्था गरे पनि आयातमा भने कुनै कमी आएको देखिँदैन ।

नेपालले आयात गरेको वस्तुको तुलनामा निर्यातको हिस्सा निकै कमजोर रहेको छ । त्यसैले, गत वर्षको तुलनामा १५ प्रतिशतले वृद्धि भई १५ खर्ब ७७ अर्ब रुपैयाँको व्यापारघाटा व्यहोरेको छ ।

प्रकाशित मिति: बुधबार, असार २२, २०७९ १४:५८

प्रतिक्रिया दिनुहोस्