अब विपी राजमार्गमा सवारी चलाउदा शुल्क तिर्नुपर्ने

मुख्य समाचार

गृहपृष्ठ
मुख्य समाचार

अब विपी राजमार्गमा सवारी चलाउदा शुल्क तिर्नुपर्ने धुलिखेल देखि खुर्कोट र खुर्कोट देखि सिन्धुलीसम्म छुट्टाछुट्टै शुल्क निर्धारण

अनिस मिजार बिहीबार, असोज २, २०७६

काठमाडौं ।अब काठमाडौंबाट पूर्व जाने विपी राजर्माग सवारी चलाउदा सडक दस्तुर तिनुपर्ने भएको छ । सडक बोर्डले विहिबार देखि लागुहुने गरी विपी राजर्मागमा सडक दस्तुर उठाउने निर्णय गरेको हो ।

बोर्डका अनुसार धुलिखेल देखि खुर्कोटसम्मको सडक खण्डमा गुड्ने भारी सवारी साधन (बस, मिनिबस, ट्रक, मिनिट्रक र हेभी मेशिन) ले १ सय २५ रुपैयाँ तिर्नु पर्ने छ ।

त्यस्तै हलुका सवारी साधन( कार, जिप, पिकअप, ट्रयाकटर र भ्यान) ले ५० रुपैयाँ तिर्नुपर्छ भने तिनपांग्रे टेम्पो र मोटरसाइकलले १५ रुपैयाँ तिर्नु पर्ने भएको छ ।

त्यस्तै विपी राजर्मागकै अर्को सडक खण्ड खुर्कोट दखि सिन्धुलिसम्म पनि छुट्टै सडक दस्तुर तिर्नुपर्ने भएको छ । खुर्कोट देखि सिन्धुली सम्म भारी, हलुका र तिनपांग्रे सवारी साधनले क्रमशः १ सय १५, ४५ र १५ रुपैयाँ तिर्नु पर्ने भएको छ ।

विपी राजर्माग सञ्चालनमा आए देखि सडक दस्तुर पहिलो पटक लागु हुन लागेको हो । सडक दस्तुर बाट उठेको रकम सडक विस्तार तथा मर्मतमा लागी प्रयोग गरीने सडक बोर्डले जनाएको छ ।

प्रकाशित मिति: बिहीबार, असोज २, २०७६ १३:४४