आरबीआईले बढायो ब्याजदर, भारतको आर्थिक वृद्धि ७.२ प्रतिशत हुने

मुख्य समाचार

गृहपृष्ठ
मुख्य समाचार

आरबीआईले बढायो ब्याजदर, भारतको आर्थिक वृद्धि ७.२ प्रतिशत हुने

क्यापिटल नेपालशुक्रबार, साउन २०, २०७९

एजेन्सी । रूस–युक्रेन युद्धका कारण विश्वका केन्द्रीय बैंकहरुले धमाधम ब्याजदर बढाइरहेका छन् । अमेरिकाको केन्द्रीय बैंक फेडरल रिजर्भले पनि ब्याजदर ५० प्रतिशत बिन्दुले ब्याजदर बढाइसकेको छ । यस्तै बैंक अफ इंग्ल्यान्ड र युरोपियन सेन्ट्रल बैंकले पनि ब्याजदर बढाइसकेका छन् ।

छिमेकी भारतमा पनि त्यहाँको केन्द्रीय बैंकले ब्याजदर फेरि बढाएको छ । भारतीय रिजर्भ बैंक (आरबीआई) ले रिपोदर ५० प्रतिशत बिन्दुले बढाएर ५.४ प्रतिशत पुर्याएको छ ।

यस्तै सन् २०२३ मा भारतको आर्थिक वृद्धि ७.२ प्रतिशत हुने प्रक्षेपण आरबीआईले गरेको छ । यस्तै मुद्रास्फीति आरबीआईले लिएको लक्ष्य ६ प्रतिशतभन्दा माथि पुग्ने अनुमान गरिएको छ । यस्तै भारतमा कर्जा १४ प्रतिशतले विस्तार भएको छ ।

केही महिनायता १३ अर्ब ३० करोड डलर भारतबाट बाहिरिएको छ । डलरसँग भारु कमजोर हुँदै गएको छ । यस्तै भारत आर्थिक मन्दीमा जाने अवस्था नरहेका आरबीआईका गभर्नर शक्तिकान्त दाशले बताए ।

प्रकाशित मिति: शुक्रबार, साउन २०, २०७९ १२:०२

प्रतिक्रिया दिनुहोस्