कर्मचारीलाई कात्तिक ३० गतेदेखि मतदानस्थल पठाइने

मुख्य समाचार

गृहपृष्ठ
मुख्य समाचार

कर्मचारीलाई कात्तिक ३० गतेदेखि मतदानस्थल पठाइने

क्यापिटल नेपाल सोमबार, कात्तिक २८, २०७९

काठमाडाैं । मंसिर ४ गते हुने प्रतिनिधि र प्रदेशसभा निर्वाचनमा खटिएका कर्मचारीलाई कात्तिक ३० गतेदेखि मतदानस्थल पठाइने भएको छ ।

जिल्लामा निर्वाचनका लागि छनोट भएका मतदान अधिकृतसहितका कर्मचारीलाई कात्तिक ३० देखि निर्वाचन सामग्री सहित सुरक्षाकर्मीको साथमा मतदान केन्द्रतर्फ पठाउन लागिएको मुख्य निर्वाचन अधिकृत मदनबहादुर धामीले जानकारी दिए ।

उनको अनुसार निर्वाचनका लागि जिल्लामा रहेका एकसय ३२ मतदानस्थलमा कायम गरिएका २ सय ८८ मतदान केन्द्रमा आठ जनाको दरले कर्मचारी छनोट गरेर आवश्यक तालीमसमेत खटाइएको छ ।

चुनावका लागि खटाइने कर्मचारीको यसअघि नै छनोट गरेर तालिम प्रदान गरिसकेको छ । मतपत्रसहित २८ प्रकारका निर्वाचन सामग्री तयारी अवस्थामा राखिएको निर्वाचन क्षेत्र नं १ का निर्वाचन अधिकृत टेकराज भुसालले जानकारी दिए ।

उनको अनुसार मतदान केन्द्रमा मतदाता सङ्ख्या अनुसार केही स्वंयसेवक राख्नुपर्ने भएकाले त्यसको छनोट गर्ने जिम्मेवारी मतदान अधिकृतलाई दिइएको छ ।

नुवाकोटमा आगामी मंसिर ४ मा हुने निर्वाचनको लागि दुइटा प्रतिनिधिसभा र चारवटा प्रदेससभा गरेर छ पदको लागि प्रत्यक्षतर्फ कुल ६३ जना उम्मेदवार प्रतिस्पर्धामा छन् । नुवाकोटमा २ लाख ३९ हजार ७ सय २६ मतदाता छन् ।

प्रकाशित मिति: सोमबार, कात्तिक २८, २०७९ १५:४२

प्रतिक्रिया दिनुहोस्