सार्वजनिक कार्यक्रममा खानेपानीको बोतल हटाउन खानेपानीमन्त्रीकाे निर्देशन

मुख्य समाचार

गृहपृष्ठ
मुख्य समाचार

सार्वजनिक कार्यक्रममा खानेपानीको बोतल हटाउन खानेपानीमन्त्रीकाे निर्देशन

क्यापिटल नेपाल बिहीबार, माघ १९, २०७९

काठमाडौं। खानेपानीमन्त्री अब्दुल खाँनले सार्वजनिक कार्यक्रममा प्राइभेट खानेपानीको बोतल हटाउन निर्देशन दिएका छन्।

खानेपानीमन्त्री खाँनले प्रमुखहरू प्रमुख अतिथि भएर जाने कार्यक्रममा प्राइभेट खानेपानीको बोतल हटाउनुपर्ने भन्दै त्यस्ताे निर्देशन दिएका हुन्।

नगरपालिका संघकाे आयाेजनामा भएकाे कमर्यक्रमका प्रमुख अतिथिसमेत रहेका खानेपानीमन्त्री खाँनले आम नागरिकको पहुँचमा स्वच्छ खानेपानी पुर्‍याउन सरकार प्रतिबद्ध रहेको बताए। उनले सम्पूर्ण नगरपालिकाले खानेपानीसम्बन्धी युनिट नगरपालिकामा राखनुपर्ने सुझाव पनि दिए।

कार्यक्रममा बाेल्दै मन्त्री खाँनले जिम्मेवारी इमान्दारी पूर्वक बहन गर्न निर्देशन दिँदै गुणस्तर मापनकाे प्रयाेग गरिने बताए। याेजनाहरु डुपलिकेसन नहुने गरी तिनै तहकाे सरकारकाे समान्वयमा याेजना बनाउने मन्त्री खाँनले बताए। कार्यक्रम कालीनिधी देव सापकाेटाकाे अध्यक्षतामा भएकाे थियाे।

प्रकाशित मिति: बिहीबार, माघ १९, २०७९ १६:४८

प्रतिक्रिया दिनुहोस्