लक्ष्मीपूजाका दिन ११९० मेगावाट माग हुने प्राधिकरणको प्रक्षेपण

मुख्य समाचार

गृहपृष्ठ
मुख्य समाचार

लक्ष्मीपूजाका दिन ११९० मेगावाट माग हुने प्राधिकरणको प्रक्षेपण प्रवक्ता अधिकारी भन्छन्, ‘सिस्टम मिलाएका छौं, कुनै समस्या आउन दिन्नौं’

हरिप्रसाद शर्मा आइतबार, कात्तिक १०, २०७६

काठमाडौं । यो बर्षको लक्ष्मीपूजाका दिन विद्युतको माग ११९० मेगावाट पुग्ने प्रक्षेपण गरिएको छ । गतबर्षको लक्ष्मीपूजाका दिन ११०५ मेगावाट माग रहेकोमा यसबर्ष भने ८५ मेगावाट विद्युत् माग थपिने नेपाल विद्युत् प्राधिकरणका प्रवक्ता प्रवल अधिकारीले बताए ।
अन्य समयभन्दा लक्ष्मीपूजा दिन विद्युत्को माग अधिक हुने गर्छ । तिहारका बेला झिलिमिली बत्ती, चिम लगायतका विद्युत्तीय बत्तीले झिलिमिले पार्ने गरिएको छ । प्राधिकरणले तिहारको अवधिभर माग अनुसारको विद्युत् आपूर्तिको बन्दोवस्त र तयारी गरेको जनाएको छ । तिहारका बेला हुने विद्युत्को माग धान्न विभिन्न ठाउँमा अपरेटर, प्राविधिक र नो लाइट खटाइने प्राधिकरणले जनाएको छ ।

विद्युत् प्रणालीमा कुनै प्राविधिक समस्या तथा आपूर्ति बन्द नहोस् भनेर प्राधिकरणका कार्यकारी निर्देशक कुलमान घिसिङ आफैं कार्यक्षेत्रमा खटिने जनाइएको छ ।तिहारबाहेक अन्य समयमा भने विद्यूत्को माग १००० मेगावाट भन्दा बढी हुने गरेको छ । २०७३ को लक्ष्मीपुजाकै दिन कुलमान घिसिङले काठमाडौं उपत्यकाको लोडसेडिङ अन्त्य गरी झलमल्ल काठमाडौं बनाउन सफल भए ।

नेपाल विद्युत प्राधिकरणको कार्यकारी निर्देशकभएर आएका कुलमान घिसिङले डेढ महिनामा नै काठमाडौंको लोडसेडिङ अन्त्य गरेर चमत्कार गरे । घिसिङले नेपाल विद्युत् प्राधिकरणको कमान्ड सम्हाल्नुअघि मुलुक दैनिक १० घण्टा लामो लोडसेडिङमा थियो । विद्युत् प्राधिकरणमा कार्यकारी निर्देशकनियुक्तभएको करिब डेढ महिनाभित्र घिसिङले मुलुकलाई अन्धकारबाट उज्यालोतर्फ लम्काए ।

प्रकाशित मिति: आइतबार, कात्तिक १०, २०७६ १२:४२

प्रतिक्रिया दिनुहोस्