प्रहरी प्रमुखमा बसन्तबहादुर कुँवर नियुक्त

समाज

गृहपृष्ठ
समाज

प्रहरी प्रमुखमा बसन्तबहादुर कुँवर नियुक्त

काठमाडौं। नेपाल प्रहरीको प्रमुखमा प्रहरी अतिरिक्त महानिरीक्षक (एआईजी) बसन्तबहादुर कुँवर नियुक्त भएका छन्।

शुक्रबार बसेको मन्त्रिपरिषद् बैठकले कुँवरलाई आइजिपीमा नियुक्त गर्ने निर्णय गरेको हो। उनी प्रहरी महानिरीक्षकका पाँच जना प्रतिस्पर्धीमध्येको वरियतामा एक नम्बरमा थिए ।

आइजिपीमा नियुक्त भएसँगै कुँवर नेपाल प्रहरीको ३० औं प्रहरी महानिरीक्षक बन्न सफल भएका छन्। कुँवर २०५१ चैत ५ मा इन्स्पेक्टरबाट प्रहरी सेवामा प्रवेश गरेका थिए। यस पटक आइजिपी नियुक्त गर्दा सरकारले वरीयता कायम राखेको छ।

वरिष्ठ उपरीक्षकबाट प्रहरी नायव महानिरीक्षकमा बढुवा हुँदा कुँवर एक नम्बर वरियतामा बढुवा भएका छन्। चैत ६ मा मन्त्रिपरिषद्ले कुँवरसहित ५ जनालाई प्रहरी अतिरिक्त महानिरीक्षकमा बढुवा गरेको थियो। एआईजी हुँदा पनि कुँवर एक नम्बर वरियतामा थिए।

प्रकाशित मिति: शुक्रबार, चैत १०, २०७९ १७:१०