चितवनको क्रिकेट रंगशालाको समस्या दुई साताभित्र समाधान हुन्छः प्रधानमन्त्री प्रचण्ड

पूर्वाधार

गृहपृष्ठ
पूर्वाधार

चितवनको क्रिकेट रंगशालाको समस्या दुई साताभित्र समाधान हुन्छः प्रधानमन्त्री प्रचण्ड

क्यापिटल नेपालबिहीबार, चैत १६, २०७९

चितवन। प्रधानमन्त्री पुष्पकमल दाहाल प्रचण्डले चितवनको भरतपुर महानगरपालिका-१५ मा निर्माणाधीन गौतमबुद्ध अन्तर्राष्ट्रिय क्रिकेट रंगशालाको समस्या समाधान हुने बताएका छन्।

प्रधानमन्त्री प्रचण्डले भरतपुर विमानस्थलको नयाँ टर्मिनल भवन शिलान्यास समारोहमा बोल्दै अबको दुई साताभित्र रंगशालाको समस्या समाधान गरेर निर्माणको कार्य अगाडि बढ्ने बताए । झण्डै डेढ वर्षदेखि रकम अभावमा रोकिएको रंगशालाको काम चाँडै अगाडि बढ्ने उनको भनाइ छ।

धुर्मुस-सुन्तली फाउन्डेसनले निर्माण थालेको रंगशालाको उधारो र ऋण गरेर करिब १८ करोड रुपैयाँ तिर्न बाँकी छ। रंगशाला निर्माणको स्वामित्व र दायित्व महानगरपालिकालाई लिन फाउन्डेसनले पत्राचार गरे पनि थप प्रक्रिया अघि बढेको छैन।