सीमा क्षेत्रमा अवैध गतिविधि रोक्न अर्थमन्त्रीले बोलाए केन्द्रीय राजस्व चुहावट नियन्त्रण समितिको बैठक

अर्थतन्त्र

गृहपृष्ठ
अर्थतन्त्र

सीमा क्षेत्रमा अवैध गतिविधि रोक्न अर्थमन्त्रीले बोलाए केन्द्रीय राजस्व चुहावट नियन्त्रण समितिको बैठक

क्यापिटल नेपालसोमबार, चैत २०, २०७९

काठमाडौं। अर्थमन्त्री डा. प्रकाशशरण महतले केन्द्रीय राजस्व चुहावट नियन्त्रण समितिको बैठक बोलाएका छन्। सीमा क्षेत्रमा देखिएका अवैध गतिविधि कसरी रोक्ने भन्ने विषयमा छलफल गर्न मन्त्री महतले समितिको बैठक बोलाएको अर्थ मन्त्रालयले जनाएको छ।

गृहमन्त्री समेत सदस्य रहने समितिको बैठक सोमबार दिउँसो २ बजेदेखि अर्थ मन्त्रालयको सुवर्ण हलमा जारी छ। अर्थमन्त्री महतले उपप्रधान तथा गृहमन्त्री नारायणकाजी क्षेष्ठलाई समेत फोन गरेर बैठकमा बोलाएका छन्।

समितिमा गृह सचिवसहित नेपाल प्रहरी, सशस्त्र प्रहरी बल, तथा राष्ट्रिय अनुसन्धान विभागका प्रमुख सदस्य छन्। यस्तै, आन्तरिक राजस्व विभाग, भन्सार विभाग, राजस्व अनुसन्धान विभाग र सम्पत्ति शुद्धीकरण नियन्त्रण विभागका महानिर्देशकसमेत समितिको सदस्य रहने व्यवस्था छ।

प्रकाशित मिति: सोमबार, चैत २०, २०७९ १४:५०

प्रतिक्रिया दिनुहोस्