बजेटको सम्पूर्ण तयारी पूरा : वृद्धभत्ता र कर्मचारीको तलब नबढ्ने

बजेट ०८०/०८१

गृहपृष्ठ
बजेट ०८०/०८१

बजेटको सम्पूर्ण तयारी पूरा : वृद्धभत्ता र कर्मचारीको तलब नबढ्ने

क्यापिटल नेपाल सोमबार, जेठ १५, २०८०

काठमाडौं। सरकारले वृद्ध भत्ता र कर्मचारीको तलब नबढाउने गरी बजेट निर्माण कार्य सकेको छ। आज अपराह्न सवा ४ बजेपछि आगामी आर्थिक वर्षको बजेट प्रस्तुत हुने कार्यक्रम तय भएको छ। आगामी आर्थिक वर्षको बजेटले कर्मचारीको तलब र वृद्धभत्ता वृद्धि गरेको छैन।

स्रोतका अनुसार यसपाली स्रोत अभाव भएपछि अर्थ मन्त्रालयका अधिकारीले नै तलब नबढाउन अर्थमन्त्री डा. प्रकाशशरण महतलाई सुझाएका थिए। कर्मचारीको प्रस्तावअनुसार नै वृद्धभत्ता र कर्मचारीको तलबमान वृद्धि भएको छैन।

चालू आर्थिक वर्षमा सबै कर्मचारीको तलब १५ प्रतिशतका दरले वृद्धि गरेको सरकारले आगामी आर्थिक वर्षमा बजेट बढाएको छैन। तत्कालीन अर्थमन्त्री जनार्दन शर्माले निजामती सेवाका कर्मचारी, सेना, प्रहरी, शिक्षकलगायत सबै राष्ट्र सेवकको तलब बढाएका थिए।

सरकारले महंगी भत्तालाई यस अघिकैलाई निरन्तरता दिने दिएको छ। सरकारले चालू आर्थिक वर्षमा ६८ वर्षमै वृद्धभत्ता पाउने व्यवस्था गरेको थियो।

आर्थिक वर्ष २०७९/०८० को बजेट प्रस्तुत गर्दै अर्थमन्त्री जनार्दन शर्माले ७० वृद्धभत्ता पाउने उमेरलाई ६८ वर्षमा झारेका थिए। यस पटक वृद्धभत्ता भने वृद्धि गरिएको छैन।

२०५२ सालमा मासिक १ सय रुपैयाँबाट सुरु भएको वृद्धभत्ता अहिले मासिक ४ हजार रुपैयाँ पुगेको छ। आगामी वर्षका लागि १७ खर्बदेखि १७ खर्ब ५ अर्ब रुपैयाँहाराहारीकाे बजेट आउने अनुमान गरिएको छ। राष्ट्रिय योजना आयोगले १६ खर्ब ८८ अर्ब रुपैयाँको सीमा (सिलिङ) दिएको थियो।

प्रकाशित मिति: सोमबार, जेठ १५, २०८० ११:१३

प्रतिक्रिया दिनुहोस्