नेप्सेमा दोहोरो अंकको गिरावट

सेयर

गृहपृष्ठ
सेयर

नेप्सेमा दोहोरो अंकको गिरावट

क्यापिटल नेपालमंगलबार, भदौ २६, २०८०

काठमाडौं। सोमबार उच्च अंकले बढेको नेपाल स्टक एक्सचेञ्ज (नेप्से) परिसूचकमा आज दोहोरो अंकको गिरावट देखिएको छ। आज नेप्से परिसूचक १९.४२ अंकले घटेर १ हजार ९ सय ६७.४२ अंकको बिन्दुमा कायम भएको हो।

आज २ सय ७६ कम्पनीका ३९ लाख १६ हजार १ सय ६१ कित्ता सेयर २६ हजार ३ सय दुईपटक खरिदबिक्री हुँदा १ अर्ब १३ करोड ५० लाख ५७ हजार ५ सय १५ रुपैयाँ बराबरको कारोबार भएको नेप्सेले जनाएको छ।

म्युचुअल फन्ड समूहको उपसूचक ०.०४ प्रतिशतले बढेको छ भने बाँकी सबै समूहको उपसूचक घटेको छ। सबैभन्दा धेरै होटल तथा पर्यटन समूहको उपसूचक १.९८ प्रतिशत र वित्त समूहको उपसूचक १.९२ प्रतिशतले घटेको छ। बैंकिङ समूह ०.४३, विकास बैंक १.४४, जलविद्युत १.५६, लगानी १.३१ र जीवन बीमा समूह ०.९९ प्रतिशतले घटेको छ।

त्यसैगरी, उत्पादन तथा प्रशोधन १.०८, लघुवित्त १.४०, निर्जीवन बीमा १.४०, व्यापार ०.७८ र अन्य समूहको उपसूचक ०.२४ प्रतिशतले घटेको छ। सबैभन्दा धेरै शुभम् पावर लिमिटेडको सेयर मूल्य आज ९९९ प्रतिशतले बढेको छ। थ्री स्टार हाइड्रोपावर लिमिटेडको सेयर मूल्यमा भने नकारात्मक सर्किट लागेको छ।

कारोबार रकम र कारोबार भएका सेयर संख्या आधारमा आज सबैभन्दा धेरै नेपाल एसबिआई बैंक लिमिटेडको ७ करोड ५६ लाख १८ हजार ९ सय २० रुपैयाँ बराबरको २ लाख २४ हजार ९ सय ४४ कित्ता सेयर किनबेच भएको छ।

प्रकाशित मिति: मंगलबार, भदौ २६, २०८० १६:५८

प्रतिक्रिया दिनुहोस्