सफ्टवेयर उपलब्ध गराउन सिप्रदी अटोपार्ट्स र डाइनामिक टेक्नोसफ्टबीच सम्झौता

कर्पोरेट बजार

गृहपृष्ठ
कर्पोरेट बजार

सफ्टवेयर उपलब्ध गराउन सिप्रदी अटोपार्ट्स र डाइनामिक टेक्नोसफ्टबीच सम्झौता

क्यापिटल नेपाल बुधबार, भदौ २७, २०८०

काठमाडौं। सिप्रदी अटोपार्ट्स प्राइभेट लिमिटेड र डाइनामिक टेक्नोसफ्टले टाटाको जेनुइन पार्टपूर्जा र टाटा मोटर्स जेनुइन आयलका खुद्रा विक्रेताहरूलाई इआरपी सफ्टवेयर उपलब्ध गराउने सम्झौता गरेका छन्।

टाटा जेनुइन पार्ट्स र टाटा मोटर्स जेनुइन आयलको नेपालकै एकमात्र आधिकारिक वितरक सिप्रदी अटो पार्ट्स प्राइभेट लिमिटेड र डाइनामिक टेक्नोसफ्टबीच सहकार्य गर्ने सहमति भएको हो।

टाटा जेजुइन पार्ट्स र टाटा मोटर्स जेनुइन आयलको खुद्रा विक्रेतालाई इआरपी सफ्टवेयर उपलब्ध गराउने सम्झौता भएको हो।

सिप्रदी अटोपार्ट्स प्रालिका वरिष्ठ महाप्रबन्धक युवराज बुढाथोकी र डाइनामिक टेक्नोसफ्टका निर्देशक सन्दीप केसीले सिप्रदी कम्पनीका प्रमुख कार्यकारी अधिकृत राजनबाबु श्रेष्ठ र टाटा मोटर्सका इन्टरनेसनल बिजनेस हेड राकेश मित्तलको विशेष उपस्थितिमा उक्त सम्झौतामा हस्ताक्षर गरेका हुन्।

उक्त सम्झौताको पहिलो चरणमा काठमाडौंका चार खुद्रा व्यापारी, श्रेया मोटर पार्ट्स विजेता अटो पार्ट्स, कालीदेवी सेतीदेवी मोटर पार्ट्स र पाँचखाल अटो स्पेयरलाई इआरपी सफ्टवेयर दिइएको छ।

यो सफ्टवेयर प्रयोग गरेर खुद्रा विक्रेताहरूले खाता र स्टक व्यवस्थापन गर्न मद्दत प्राप्त गर्नेछन्। यो सफ्टवेयर खुद्रा विक्रेताका लागि व्यापार वृद्धि र व्यवस्थापन गर्न माइलस्टोन हुने कम्पनीको भनाइ छ।

प्रकाशित मिति: बुधबार, भदौ २७, २०८० १८:२५

प्रतिक्रिया दिनुहोस्