ग्लोबल आईएमई र जनता बैंकको सबै शाखा आज साँझदेखि ३० घण्टा बन्द

मुख्य समाचार

गृहपृष्ठ
मुख्य समाचार

ग्लोबल आईएमई र जनता बैंकको सबै शाखा आज साँझदेखि ३० घण्टा बन्द

क्यापिटल नेपाल बुधबार, मंसिर १८, २०७६

एकिकृत कारोबार शुरु गर्ने तयारीमा रहेका ग्लोबल आईएमई बैंक र जनता बैंकको आज साँझदेखि सबै शाखा बन्द हुने भएकाे छ । मर्जरपश्चात ग्लोबल आईएमई बैंकको नामबाट एकीकृत कारोबार हुने गर्ने प्रयोजनको लागि दुबै संस्थाहरुको सिस्टम÷डाटा माइग्रेसन गर्नुपर्ने भएकोले मंसिर १८ गते साँझ ६ बजेदेखि १९ गते रातिको १२ बजेसम्म बैंकको एटिएम सेवा, क्रेडिट कार्ड सेवा मोबाइल बैंकिङ्ग, इन्टरनेट बैंकिङ्ग तथा बीएलबीबाट प्रदान गरिने सेवा बन्द रहेन बैंकले जनाएको छ।

एकिकृत कारोबारको उद्घाटन अर्थ मन्त्री युवाराज खतिवडाले गर्ने भएका छन् । दुई बैंकबीच मर्जरका लागि असार २० गते प्रारम्भिक समझदारी पत्रमा हस्ताक्षर भएको थियो । मंसिर २ गते दुबै बैंकको साधारणसभाले मर्जर प्रस्ताव पारित गरेसँगै उनीहरु एकीकृत कारोबारको अन्तिम स्वीकृतिका लागि राष्ट्र बैंक गएका थिए ।

मर्जरपछि बैंकको अध्यक्षमा चन्द्रप्रसाद ढकाल र प्रमुख कार्यकारी अधिकृतमा हाल जनता बैंकका पर्शुराम कुँवर क्षेत्री रहने छन्। बैंकमा ग्लोबलबाट पाँच जना र जनताबाट दुई जना सञ्चालक रहनेछन्।

एकीकृत बैंकको चुक्ता पूँजी १९ अर्ब रुपैयाँ पुग्नेछ। यो चुक्ता पूँजीको आधारमा नेपालकै सबैभन्दा ठूलो हो। गत आवको मुनाफाबाट ग्लोबलले २५ र जनताले १२ प्रतिशत लाभांश वितरण गरेकोमा ग्लोबलले १२।७५ र जनताले ६ प्रतिशत बोनस वितरण गरेर पूँजी बढाएका थिए।

एकीकृत ग्लोबल आइएमइ बैंकको कूल निक्षेपको अकार २ खर्ब १० अर्ब, कर्जा लगानी २ खर्ब र करिब ३०० शाखा कार्यलय र २५६ एटीएम, २४१ शाखा रहित बैंकिङ्ग सेवा, ३३ एक्सटेन्सन कायम हुनेछ।

प्रकाशित मिति: बुधबार, मंसिर १८, २०७६ १२:४७