हिमालयन रि प्रवेश गरेको ९ महिनामै उपासना पौडेल बनिन् सिइओ

रोजगार

गृहपृष्ठ
रोजगार

हिमालयन रि प्रवेश गरेको ९ महिनामै उपासना पौडेल बनिन् सिइओ

क्यापिटल नेपाल आइतबार, असोज १४, २०८०

काठमाडौं। निजी क्षेत्रको पहिलो पुनर्बिमा कम्पनी हिमालयन रि–इन्स्योरेन्स लिमिटेडको प्रमुख कार्यकारी अधिकृत (सिइओ) मा उपासना पौडेल नियुक्त भएकी छिन्। हिमालयन रिको सञ्चालक समितिले पौडेललाई सिइओ बनाएको हो।

९ महिनाअघि यूनाइटेड इन्स्योरेन्सको सिइओबाट राजीनामा दिएर नायब प्रमुख कार्यकारी प्रमुख अधिकृत बनेर हिमालयन रिमा पौडेल भित्रिएकी थिइन।

उनले यो बीचमा गरेको उत्कृष्ट कार्यको मूल्यांकन गर्दै सञ्चालक समितिले सिइओको जिम्मेवारी दिएको हो।

युनाइटेड जानुअघि उनी सानिमा जनरल इन्स्योरेन्समा सहायक महाप्रबन्धकमा थिइन्। पौडेलसँग भारतीय टेलिकम कम्पनीमा पनि काम गरेको अनुभव छ। निजी क्षेत्रको पहिलो रि–इन्स्योरेन्स कम्पनीको सिइओ पदमा पुग्ने पौडेल पहिलो महिला हुन्।

भारतको दिल्ली युनिभर्सिटिबाट एमबिए गरेकी पौडेलले भारतकै आईसीआईसीआई लोम्बार्ड इन्स्योरेन्समा काम गरेकी थिइन्।
हिमालयन रि–इन्स्योरेन्समा प्रवेश गर्नुअघि बीमा क्षेत्रमा चार दशक भन्दा लामो अनुभव भएका भारतीय मुलका चन्द्रशेखरन रामामुर्थी सिइओ थिए। उनले राजीनामा दिएपछि पौडेललाई सञ्चालक समितिले सिइओ बनाएको हो।

भारतमै पढेर भारतमै एक दशक भन्दा लामो समय काम गरेकै कारण पनि उपासना पूर्वसिइओ रामामुर्थीको रोजाइमा परेकी हुन्। उनकै जोडबलमा उपासना हिमालयन रिमा पुगेकी थिइन्।

प्रकाशित मिति: आइतबार, असोज १४, २०८० १७:११