भारतीय प्रधानमन्त्रीद्वारा दुःख व्यक्त, सहयोग गर्न तयार

समाज

गृहपृष्ठ
समाज

भारतीय प्रधानमन्त्रीद्वारा दुःख व्यक्त, सहयोग गर्न तयार

क्यापिटल नेपाल शनिबार, कात्तिक १८, २०८०

काठमाडौं। भारतका प्रधानमन्त्री नरेन्द्र मोदीले नेपालको जाजरकोट र रुकुम पश्चिममा भूकम्पबाट भएको क्षतिप्रति दुःख व्यक्त गरेका छन्।

उनले सामाजिक सञ्जाल ट्वीटरमार्फत जाजरकोटको बारेकोट गाउँपालिका–१ रामीडाँडा केन्द्रविन्दु भएर गए राति गएको भूकम्पबाट भएको जनधनको क्षतिप्रति दुःख व्यक्त गर्दै सहयोगका लागि भारत सरकार तयार रहेको बताएका छन्।

प्रधानमन्त्री मोदीले भारत नेपाली जनतासँगै रहेको र आवश्यक सबै सम्भव सहयोग गर्न तयार रहेको बताएका छन्।

उनले भूकम्पमा परेर ज्यान गुमाएकाप्रति श्रद्धाञ्जलि अर्पण गर्दै शोकसन्तप्त परिवारजनमा समवेदना व्यक्त गर्नुभएको छ । साथै उहाँले घाइतेको शीघ्र स्वास्थ्यलाभको कामना गरेका छन्।

गएरातिको ६ दशमलव ४ म्याग्निच्युडको भूकम्पका कारण विशेष गरी जाजरकोट र रुकुमपश्चिममा एक सयभन्दा बढीको ज्यान गएको छ भने भौतिक क्षति भएको छ। रासस

प्रकाशित मिति: शनिबार, कात्तिक १८, २०८० ११:२६

प्रतिक्रिया दिनुहोस्