लगातार तेस्रो दिन बढ्यो सुनको भाउ

कर्पोरेट बजार

गृहपृष्ठ
कर्पोरेट बजार

लगातार तेस्रो दिन बढ्यो सुनको भाउ

क्यापिटल नेपाल बुधबार, मंसिर ६, २०८०

काठमाडौं। नेपाली बजारमा लगातार तेस्रो दिन पनि सुनको भाउ बढेको छ। नेपाल सुनचाँदी व्यवसायी महासंघका अनुसार सोमबारदेखि आज बुधबारसम्म भाउ लगातार बढेको हो।

आज सुन तोलामा ३ सय रुपैयाँ बढेको छ। तर, चाँदीको मूल्य भने स्थिर छ। मूल्य बढेसँगै आज छापावाल सुन तोलाको १ लाख १६ हजार ५ सय रुपैयाँमा किनबेच भइरहेको छ। त्यस्तै तेजाबी सुन १ लाख १५ हजार ९ सय ५० मा कारोबार भइरहेको छ।

मंगलबार छापावाल सुन प्रतितोला १ लाख १६ हजार २ सय र तेजाबी सुन १ लाख १५ हजार ६ सय ५० रुपैयाँमा किनबेच भएको थियो। सोमबार २ सय, मंगलबार ५ सय र बुधबार ३ सय रुपैयाँ बढेको थियोे
।
बुधबार सुनको मूल्य बढे पनि चाँदी भने स्थिर भएर तोलाको १ हजार ४ सय ५५ रुपैयाँमा कारोबार भइरहेको छ। हिजो पनि चाँदीको कारोबार सोही मूल्यमा भएको थियो।

प्रकाशित मिति: बुधबार, मंसिर ६, २०८० १२:२३

प्रतिक्रिया दिनुहोस्