काठमाडौंको टेकुमा सिटिजन्स बैंकको १८९ औं शाखा

कर्पोरेट बजार

गृहपृष्ठ
कर्पोरेट बजार

काठमाडौंको टेकुमा सिटिजन्स बैंकको १८९ औं शाखा

क्यापिटल नेपालमंगलबार, मंसिर १२, २०८०

काठमाडौं। सिटिजन्स बैंकले १ सय ८९औं शाखा सञ्चालनमा ल्याएको छ। बैंकले काठमाडौंको टेकुमा सो शाखा सञ्चालनमा ल्याएको हो। योसँगै काठमाडौं उपत्यकाभित्र बैंकको ३७ र बागमती प्रदेशमा ५१ वटा शाखाहरु सञ्चालनमा रहेका छन्।

टेकुमा आज आयोजित एक कार्यक्रमकाबीच बैंकका अध्यक्ष प्रवलजंग पाण्डेले नयाँ शाखाको शुभारम्भ गरे। कार्यक्रमलाई सम्बोधन गर्दै अध्यक्ष पाण्डेले प्रुडेन्ट बैंकिङ र सुशासनमा कुनै सम्झौता नगरी बैंकले काम गर्ने बताए। सो अवसरमा बैंक सञ्चालक समितिका सदस्यहरु, प्रमुख कार्यकारी अधिकृत (सिइओ) र उच्च व्यवस्थापनको पनि उपस्थिति थियो।

उक्त शाखाको उद्धघाटन समारोहमा स्थानीय निकायका प्रतिनिधिहरू, उद्योगी, व्यापारी, विभिन्न संघ संस्थाका प्रमुख तथा नागरिक समाजका अगुवाको उपस्थिति थियो। सुविधा सम्पन्न यस शाखामार्फत लकर सेवा, एटिएमलगायत ग्राहकहरुको वित्तीय आवश्यकता पुरा गर्न आवश्यक सम्पूर्ण रिटेल बैकिंग सेवा प्रदान गर्नुका साथै साना तथा कर्पोरट व्यवसायीहरु माझ वित्तीय पहुँच पुर्याउने लक्ष्य बैंकले राखेको छ।

सिटिजन्सले देशैभरी फैलिएका आफ्ना १ सय ८९ वटा शाखा, १ सय ४९ वटा एटिएम र ९७ वटा शाखा रहित बैंकिङ ईकाईहरुबाट १६ लाख ७५ हजार ग्राहकहरुलाई आधुनिक बैंकिङ सेवाहरु प्रदान गर्दै आएको छ।

प्रकाशित मिति: मंगलबार, मंसिर १२, २०८० १३:४५

प्रतिक्रिया दिनुहोस्