मेयरको भूमिकालाई हस्तक्षेप गर्ने शिक्षा प्रमुख कोइरालालाई बालेनले दिए बिदा

समाज

गृहपृष्ठ
समाज

मेयरको भूमिकालाई हस्तक्षेप गर्ने शिक्षा प्रमुख कोइरालालाई बालेनले दिए बिदा

क्यापिटल नेपालआइतबार, माघ १४, २०८०

काठमाडौं। काठमाडौं महानगरपालिकाका मेयर बालेन्द्र शाह ‘बालेन’ ले महानगरका शिक्षा विभाग प्रमुख सिताराम कोइरालालाई कारबाही प्रक्रिया अघि बढाएका छन्। मेयरले गर्ने निर्णय विभाग प्रमुख कोइराला आफैंले गरेको पाइएपछि उनलाई स्पष्टिकरण सोधिएको छ।

विभाग प्रमुख कोइरालाले काठमाडौंको मध्ये बानेश्वरमा रहेको रत्नराज्य माविमा विज्ञान विषय अध्यापनका लागि अनुमति दिएका थिए। ‘उक्त अनुमति नगर शिक्षा समितिको प्रमुख रहेका मेयर शाहले दिनुपथ्र्यो,’ सचिवालयले भने ‘प्रमुख कोइरालाले निर्णय नै नभएको विषयमा अनुमति दिएको पाइएपछि स्पष्टिकरण सोधिएको हो‘।

शिक्षा विभाग प्रमुख कोइरालालाई आइतबारबाट ७ दिन बिदामा बस्न समेत भनिएको जनाउदै थप अनुसन्धान अगाडी बढाएको सचिवालयको भनाई छ। स्थानीय तहमा नगर शिक्षा समितिका संयोजक नगर प्रमुख नै रहने व्यवस्था छ । कोइरालाले अनुमति दिएपछि रत्नराज्य माविमा विज्ञान संकायमा विद्यार्थी भर्ना भएर पढाइ समेत भइरहेको छ ।

यस अघि पुस तेस्रो साता कार्यपालिकाको निर्णय प्रमाणीकरण र कार्यान्वयनमा अनियमितता गरेको भन्दै काठमाडौं महानगरपालिकाका तत्कालिन प्रमुख प्रशासकिय अधिकृत बसन्त अधिकारीलाई पनि मेयर शाहाले बिदा बस्न लगाएका थिए।

मेयर शाहले बिदा बस्न लगाएका प्रशासकिय अधिकृत अधिकारी महानगर हाजिर नभइ सरुवा भएका थिए। माघ १० बाट महानगरको प्रमुख प्रशासकिय अधिकृतमा सहसचिव प्रदीप परियार हाजिर भएका छन्।

प्रकाशित मिति: आइतबार, माघ १४, २०८० १७:३१

प्रतिक्रिया दिनुहोस्