बाबुरामले गरे मध्यपहाडी लोकमार्ग निर्माण ढिलाइबारे छलफल

पूर्वाधार

गृहपृष्ठ
पूर्वाधार

बाबुरामले गरे मध्यपहाडी लोकमार्ग निर्माण ढिलाइबारे छलफल

क्यापिटल नेपालमंगलबार, फागुन ८, २०८०

काठमाडौं। पूर्वप्रधानमन्त्री एवं नेपाल समाजवादी पार्टी (नेसपा) अध्यक्ष डा.बाबुराम भट्टराईले मध्यपहाडी लोकमार्ग निर्माणमा भएको ढिलाइबारे छलफल गरेका छन्।

गोरखा रहेका डा.भट्टराईले मध्यपहाडी लोकमार्ग (नुवाकोट–धादिङ–गोरखा–लमजुङ खण्ड) का प्रमुख ई.नरेन्द्र भट्टसँग लोकमार्ग निर्माणमा भइरहेको ढिलाइबारे चासो व्यक्त गरेका हुन्।

भट्टराईले मध्यपहाडी लोकमार्ग गोरखा खण्डको आरुघाट–ओखले, ओखले–निबेल र मसानेठाँटी–ठाँटीपोखरी खण्डमा भइरहेको ढिलाइबारे भट्टसँग गम्भीर छलफल भएको बताए। भट्टराईले ती सडक खण्डमा भइरहेको अस्वाभाविक ढिलाइ अन्त्य गरेर छिटो सम्पन्न गर्न आग्रह गरे।

छलफलमा गण्डकी प्रदेशसभा सांसद तथा नेसपा नेता फणीन्द्र देवकोटा पनि थिए। भट्टराईले आफू प्रधानमन्त्री हुँदा गौरवको आयोजनाको रूपमा मध्यपहाडी लोकमार्ग घोषणा गरेका थिए।

प्रकाशित मिति: मंगलबार, फागुन ८, २०८० १७:१८

प्रतिक्रिया दिनुहोस्