सुनकोसी मरिण डाइभर्सनः सुरुङको चौथो अवरोध ८ सातापछि समाधान

पूर्वाधार

गृहपृष्ठ
पूर्वाधार

सुनकोसी मरिण डाइभर्सनः सुरुङको चौथो अवरोध ८ सातापछि समाधान

क्यापिटल नेपालबिहीबार, फागुन १०, २०८०

काठमाडौं। राष्ट्रिय गौरवको सुनकोसी मरिण डाइभर्सनको सुरुङको चौथो अवरोध ५७ दिनमा समाधान भएको छ। फुस्रो र लेदोसहितको माटो भेटिएर पुस १० बाट चौथो पटक सुरुङ खन्ने काममा अवरोध भएको थियो। केमिकल हालेर फुस्रो र लेदोमाटो रोकिएपछि फागुन ८ बाट पुनः सुरुङ खन्न सुरु भएको हो।

आयोजनाका सूचना अधिकारी रवि शाक्यका अनुसार सुरुङको समस्या समाधान भएर फागुन ८ बाट नियमित काम सुरु भएको छ। मरिण डाइभर्सनको १३.३ किलोमिटर लामो सुरुङ खन्दै आएको अमेरिकन प्रविधिको टनेल बोरिङ मेसिन (टिबिएम) ले खन्दै आएको छ।

बिहीबारसम्म मरिण डाइभर्सनको १०.६३२ किमि सुरुङ खनिएको छ। सुरुङ खन्न आयोजना कार्यालयले चाइना ओभरसिज कम्पनी ‘कोभेक’ सँग १० अर्ब रुपैयाँमा ठेक्का सम्झौता गरेको छ। कोभेकले २०७९ असोज २८ बाट टिबिएमले सुरुङ खन्दै आएको छ।

यसअघि २०७९ पुसमा कडा चट्टान भेटिएर ९ दिन र २०७९ कै चैतमा लेदोमाटोका कारण २३ दिन सुरुङ खन्ने काम प्रभावित भएको थियो। त्यस्तै, २०८० असोज अन्तिममा पनि कडा चट्टान भेटिएपछि ९ दिनसम्म सुरुङ खन्ने काम प्रभावित भएको आयोजनाले जनाएको छ।

प्रकाशित मिति: बिहीबार, फागुन १०, २०८० १७:५५

प्रतिक्रिया दिनुहोस्