सेयर बजार २ हजार बिन्दुमुनि, साढे २ अर्बको कारोबार

सेयर

गृहपृष्ठ
सेयर

सेयर बजार २ हजार बिन्दुमुनि, साढे २ अर्बको कारोबार

क्यापिटल नेपाल बिहीबार, फागुन १७, २०८०

काठमाडौं। साताको अन्तिम कारोबार दिन बिहीबार नेप्से परिसूचक १.४३ प्रतिशत घटेर पुनः २ हजार बिन्दुमुनि झरेको छ। नेप्से परिसूचक १ हजार ९७२.०९ बिन्दुमा समेटिएको हो।

मौद्रिक नीति समीक्षाअघि २१ सय बिन्दुमाथि पुगेको बजार त्यसपछि केही दिन सामान्य बढे पनि लगातारजसो घटिरहेको हो। ब्याजदर घटिरहेको र बैंकिङ प्रणालीमा पर्याप्त मात्रमा तरलता रहे पनि सेयर बजार दिनहुँ ओरालो लागेको छ।

आज सेन्सेटिभ इन्डेक्स १.३४ प्रतिशत, फ्लोट इन्डेक्स १.३८ प्रतिशत र सेन्सेटिभ फ्लोट इन्डेक्स १.२० प्रतिशत घटेको छ।

बिहीबार ७४ लाख ४६ हजार ९९१ कित्ता सेयरको २ अर्ब ५९ करोड बराबरको कारोबार भएको छ। कारोबारमा आएका धितोपत्रमध्ये बोटलर्स नेपाल बालाजुको सेयर मूल्यमा सकारात्मक सर्किट लागेको छ।

आज जोशी हाइड्रोपावर डेभलपमेन्ट कम्पनीको सेयर मूल्यमा नेगेटिभ सर्किट लागेको छ। कम्पनीको सेयर मूल्य अघिल्लो कारोबार दिनको तुलनामा आज १० प्रतिशत घटेको छ।

बिहीबार सर्वाधिक सेयर खरिदबिक्री सोनापुर मिनरल्स एन्ड आयलको भएको छ। कम्पनीको १० करोड १४ लाख बराबरको कारोबार भएको हो।

कारोबारमा आएका १३ समूहगत परिसूचक सबै घटेका छन्। सबैभन्दा बढी वित्त समूहको सूचक ३.२१ प्रतिशत घटेको छ।

प्रकाशित मिति: बिहीबार, फागुन १७, २०८० १५:४३

प्रतिक्रिया दिनुहोस्