महालक्ष्मी इन्भेस्टर्स सेयर सेभिङ खाता

कर्पोरेट बजार

गृहपृष्ठ
कर्पोरेट बजार

महालक्ष्मी इन्भेस्टर्स सेयर सेभिङ खाता

क्यापिटल नेपालसोमबार, वैशाख ३, २०८१

काठमाडौं। महालक्ष्मी विकास बैंकले महालक्ष्मी इन्भेस्टर्स सेयर सेभिङ खाता (अल इन वान) सञ्चालनमा ल्याएको छ। सेयर लगानीकर्तालाई सबै सुविधा एकै खातामार्फत उपलब्ध गराउने उद्देश्यले यो खाता सञ्चालनमा ल्याएको बैंकले बताएको छ।

खाताअन्तर्गत बचतकर्ताले बचत खाता, डिम्याट खाता, मेरो सेयर, सी–आस्बा तथा टीएमएस खाता सुविधा एकै खातामार्फत लिन सक्नेछन्। शून्य मौज्दातमै खोल्न सकिने खातामा डिम्याट खाता तथा टीएमएस खाता निःशुल्क खोल्नुका साथै मेरो सेयर तथा सी–आस्बा दर्ता गर्न पनि शुल्क लाग्ने छैन।

बैंकले टीएमएस खाताका लागि विभिन्न स्टक ब्रोकर कम्पनीसँग आवश्यक सहकार्य गरिने विज्ञप्तिमा उल्लेख गरेको छ। यसले सेयर लगानीकर्ताको स्टक ब्रोकर कम्पनीसँगको पहुँचमा वृद्धि हुनुका साथै समयको बचत हुने विश्वास बैंकको छ।

प्रकाशित मिति: सोमबार, वैशाख ३, २०८१ १५:१७

प्रतिक्रिया दिनुहोस्