३ कम्पनीको सेयर मूल्यमा सकरात्मक सर्किट लाग्दा नेप्सेमा सामान्य सुधार, बढ्यो कारोबार

सेयर

गृहपृष्ठ
सेयर

३ कम्पनीको सेयर मूल्यमा सकरात्मक सर्किट लाग्दा नेप्सेमा सामान्य सुधार, बढ्यो कारोबार

क्यापिटल नेपाल बिहीबार, जेठ ३, २०८१

काठमाडौं। बिहीबार तीन लघुवित्त कम्पनीको सेयर मूल्यमा सकरात्मक सर्किट लागेको छ। साताको कारोबारको अन्तिम दिन बिहीबार हिमालयन लघुवित्त वित्तीय संस्था, जाल्पा सामुदायीक लघुवित्त वित्तीय संस्था र सृजनशील लघुवित्त वित्तीय संस्थाको सेयर मूल्यमा सकरात्मक सर्किट लागेको हो।

यस्तै, स्वाभिमान लघुवित्त वित्तीय संस्थाको सेयर मूल्य ९.९४, सिइडिबि हाइड्रोपावर कम्पनीको सेयर मूल्य ९.६१ प्रतिशतले बढेको छ। बिहीबार सर्वाधिक सेयर मूल्य बढ्ने कम्पनीमा लघुवित्त समूहको नै वर्चस्व रहेको छ। लघुवित्त समुहमा सोमबार ३.८० प्रतिशतको वृद्धि आएको छ।

लघुवित्त समुहमा उच्च वृद्धि देखिएपनि अन्य समुह सुस्ताउँदा सेयर बजारमा भने सामान्य अंकको मात्रै सुधार आएको छ। बिहीबार सेयर बजार सूचक नेपाल स्टक एक्सचेञ्ज (नेप्से) ०.७९ अंकले बढेर २०१८.७६ को बिन्दुमा बन्द भएको छ। अघिल्लो कारोबार दिन बुधबार पनि नेप्से ९.५४ अंकले घटेर २०१७.९७ को बिन्दुमा बन्द भएको थियो।

बिहीबार नेप्सेमा गिरावट आए पनि कारोबार भने बढेको छ। आज कुल ४ अर्ब २३ करोड रुपैयाँ बराबरको कारोबार भएको छ। अघिल्लो कारोबार दिन बुधबार भने कुल ३ अर्ब ७० करोड रुपैयाँ बराबरको कारोबार भएको थियो।

बिहीबार कारोबारमा आएकामध्ये १०३ कम्पनीको सेयर मूल्य बढ्दा १३९ कम्पनीको सेयर मूल्य घटेको छ। यस्तै, ३ कम्पनीको सेयर मूल्य भने स्थिर छ। आज मान्डु हाइड्रो पावर लिमिटेडको सेयर मूल्यमा सर्वाधिक अर्थात् ५.७६ प्रतिशतको गिरावट आएको छ।

प्रकाशित मिति: बिहीबार, जेठ ३, २०८१ १५:२९

प्रतिक्रिया दिनुहोस्