पर्यटन

सौर्य एयर दुर्घटना : प्रधानमन्त्री ओलीले लिए ब्रिफिङ

क्यापिटल नेपाल बुधबार, साउन ९, २०८१

काठमाडौं । सौर्य एयरको जहाज दुर्घटनापछि त्रिभुवन विमानस्थल पुगेका प्रधानमन्त्री केपी शर्मा ओलीले नागरिक उड्ड्यन प्राधिकरण र विमानस्थल पदाधिकारीसँग जानकारी लिएका छन्।

जहाज दुर्घटना स्थल अवलोकन गर्न पुगेका प्रधानमन्त्री ओलीले प्राधिकरण र विमानस्थल पदाधिकारीसँग दुर्घटना बारे जानकारी लिएका हुन्।

प्रधानमन्त्री ओलीले जहाज दुर्घटनमा ज्यान गुमाएकाप्रति श्रद्धाञ्जली र परिवारमा समवेदना व्यक्त गरेको उनको सचिवालयले जनाएको छ।

प्रधानमन्त्री ओलीले घाइते क्याप्टेनको स्वास्थलाभको कामना गरेका छन्। प्रधानमन्त्रीले आगामी दिनमा यस्ता घटना नहोस् भन्नेतर्फ सजग हुन सम्बन्धित निकायलाई निर्देशन दिँदै मानवीय वा प्राविधिक कमजोरीबारे यथार्थ छानबिन गरिने बताए‍।

प्रधामन्त्री ओलीसँगै गृहमन्त्री रमेश लेखक, नागरिक उड्डयनमन्त्री बद्री पाण्डेसहितको टोली विमानस्थल पुगेको थियो।

काठमाडौंबाट पोखरा उड्ने क्रममा सौर्य एयरको जहाज आज बिहान ११:११ मा दुर्घटन हुँदा १८ जनाको निधन भएको छ भने पाइलटको उपचार भइरहेको छ।