सीता एयरबाट बाहिरिएका राजेन्द्रबहादुर माउन्टेनमा एमडी, सेप्टेम्बरभित्रै हेलिकोप्टर थप्ने

पर्यटन

गृहपृष्ठ
पर्यटन

सीता एयरबाट बाहिरिएका राजेन्द्रबहादुर माउन्टेनमा एमडी, सेप्टेम्बरभित्रै हेलिकोप्टर थप्ने

क्यापिटल नेपाल आइतबार, साउन २०, २०८१

काठमाडौं । सीता एयरको प्रबन्ध निर्देशक(एमडी)बाट बाहिरिएका राजेन्द्रबहादुर सिंह माउन्टेन हेलिकोप्टरमा प्रवेश गरेका छन्। ३० प्रतिशत सेयर स्वामित्व लिएर आधिकारिक रूपमा सिंह माउन्टेन हेलिकोप्टरमा प्रबन्ध निर्देशकमा भित्रिएका हुन्।

माउन्टेनमा सिंहको लगानी यस अघिदेखि नै थियो। तर, आधिकारिक रूपमा कम्पनी रजिस्ट्रार कार्यालयबाटै ३० प्रतिशत स्वामित्व लिएको प्रमाण लिएर सिंह प्रबन्ध निर्देशकको जिम्मेवारीसहित फर्किएका हुन्। सिंहले सीता एयरमा समेत लगानी गरेका छन्। सीता एयरबाट बाहिरिँदा आफ्नो सेयर भने त्यही राखेका छन्।

८ वर्ष सीता एयरमा प्रबन्ध निर्देशक रहिसकेका सिंह माउन्टेनमा आबद्ध भएसँगै नयाँ हेलिकोप्टर ल्याउने तयारीसमेत थालिएको छ। कम्पनीका एकाउन्टेबल म्यानेजर दिल ओलीले आगामी सेप्टेम्बरभित्रै एयरबस वी ३ को नयाँ हेलिकोप्टर ल्याउने तयारी थालिएको बताए।

एउटा नयाँ हेलिकोप्टर काठमाडौंसम्म ल्याउनका लागि मूल्य अभिवृद्धि कर (भ्याट)सहित करिब ४५ करोड रुपैयाँ लाग्छ। कम्पनीको अध्यक्षमा विज्ञानराज शर्मा रहेका छन्।

हाल दुई हेलिकोप्टरमार्फत उडान गर्दै आएको माउन्टेनले नयाँ हेलिकोप्टर थपेसँगै संख्या तीन पुग्ने छ। नेपाल नागरिक उड्डयन प्राधिकरणले ५ वर्ष भित्रमा ५ वटा हेलिकोप्टर पुर्‍याउनुपर्ने बाध्यकारी नियम ल्याएको छ। सोही अनुसार पछिल्लो समय पुराना हेलिकोप्टर कम्पनीले धमाधम हेलिकोप्टर थपिरहेका छन्।

प्रकाशित मिति: आइतबार, साउन २०, २०८१ ११:५८

प्रतिक्रिया दिनुहोस्