साताको कार्टुन : डनलाई वन, कार्यकर्तालाई तालिम दिने ठाउँ हो र!

राजनीति

गृहपृष्ठ
राजनीति

साताको कार्टुन : डनलाई वन, कार्यकर्तालाई तालिम दिने ठाउँ हो र!

क्यापिटल नेपाल शुक्रबार, भदौ २१, २०८१

नेपालको कुल भूमिमध्ये करिब ४५ प्रतिशत वन जंगलले ओगटेको छ। कुनै बेला 'हरियो वन नेपालको धन' भनेर विद्यालयका पाठ्यपुस्तकमा पढाइ नै हुन्थ्यो। अहिले पनि वन (रुख कटान)सँग सम्बन्धित कुनै विषय आएमा मन्त्रिषरिषद्‍ले निर्णय गर्नुपर्छ। तर, त्यही वन तथा वातावरण मन्त्रालय (संघ) र प्रदेशस्थित वन मन्त्रालयको नेतृत्व सम्हाल्न मन्त्री मात्र होइन, सकेसम्म सचिव र अरु कर्मचारी पनि चाँसो राख्दैनन्।

मुखै फोरेर कसैले कुरा नगरे पनि केही दिनअघि गण्डकी प्रदेश सांसद राजीव गुरुण (दीपक मनाङे)ले वन मन्त्रालय नसम्हाल्ने बताए। त्यहाँ आम्दानीको कुनै स्रोत नभएको र त्यस्तो ठाउँमा मन्त्री भएर झारपात सोहर्न जाने हो र भनेर सार्वजनिक अभिव्यक्ति दिएसँगै वन मन्त्रालयको हैसियत छर्लंग भएको छ।

यसले हरेक मन्त्रालय ठूलो र सानो हुँदैनन्, समान हैसियतका हुन्छन् भनेर बुझाउनु पर्ने चुनौती राजनीतिक दलहरूलाई देखिएको छ।

राजनीतिक दलका कार्यकर्ताले नै ठूलो-सानो मन्त्रालयको बाँडफाँट गर्ने र कमाइ हुने मन्त्रालय रोज्ने प्रवृत्ति देखाउँदासम्म मन्त्रीहरूको हैसियत ठूलो/सानो भन्ने रहिरहनेछ।

प्रकाशित मिति: शुक्रबार, भदौ २१, २०८१ १४:३५