सिद्धार्थ हस्पिटालिटीका दुई होटल साटा अवार्डबाट सम्मानित

पर्यटन

गृहपृष्ठ
पर्यटन

सिद्धार्थ हस्पिटालिटीका दुई होटल साटा अवार्डबाट सम्मानित

क्यापिटल नेपाल सोमबार, असोज ७, २०८१

काठमाडौं। नेपालकै ठूलो चेन हस्पिटालिटी ब्रान्ड सिद्धार्थ हस्पिटालिटीका दुई होटलले साउथ एसियन ट्राभल अवार्ड्स (साटा) २०२४ प्राप्त गरेका छन्। सिद्धार्थअन्तर्गत काठमाडौंको बौद्धमा सञ्चालित सिद्धार्थ बुटिक होटलले लिडिङ बुटिक होटल÷रिसोर्टको रुपमा साटा अवार्ड पाएको हो।

यस्तै, चितवनको चुम्लिङटारमा पृथ्वी राजमार्गसँगै त्रिशूली नदी किनारमा रहेको सिद्धार्थ रिभरसाइड रिसोर्टले लिडिङ रिभरफ्रन्ट होटल÷रिसोर्टका रुपमा अवार्ड पाएको हो।

जनशक्तिको अथक मिहिनेतका कारण महत्त्वपूर्ण अवार्ड प्राप्त गर्न सफल भएको हस्पिटालिटीका क्षेत्रीय कार्यकारी निर्देशक कृष्ण भण्डारीले बताए।

साटाका संस्करण दक्षिण एसियाका विभिन्न सहरमा आयोजना गरिँदै आएको छ। यस पटकको आठौं संस्करण होटल एसोसिएसन नेपाल (हान)को सहकार्यमा नेपालमा सम्पन्न भएको हो।

दक्षिण एसियाका आतिथ्य क्षेत्रमा यो अवार्ड प्रतिष्ठित मानिन्छ। हरेक वर्ष साटाले पर्यटन क्षेत्रमा योगदान दिने विभिन्न होटल तथा संस्थााई अवार्ड प्रदान गरिँदै आएको छ। कार्यक्रममा ६ देशका २५० बढी होटल, ट्राभल, एयरलाइन्सका प्रतिनिधि सहभागी थिए।

सिद्धार्थ हस्टिपालिटीअन्तर्गत पाँचतारे स्तरमा सिद्धार्थ भिलासा, चारतारे स्तरमा सिद्धार्थ वैभव र तीनतारे स्तरमा सिद्धार्थ बाटिका ब्रान्डका होटल सञ्चालनमा छन्। यीमध्ये साटा अवार्ड प्राप्त गर्ने दुई होटल सिद्धार्थ वैभवअन्तर्गतको ब्रान्डमा पर्छन्।

प्रकाशित मिति: सोमबार, असोज ७, २०८१ ११:१५

प्रतिक्रिया दिनुहोस्