रात्रिकालीन उडान हुने विमानस्थलमा बिहान साढे ४ बजेदेखि नै आन्तरिक उडान खुला

पर्यटन

गृहपृष्ठ
पर्यटन

रात्रिकालीन उडान हुने विमानस्थलमा बिहान साढे ४ बजेदेखि नै आन्तरिक उडान खुला

क्यापिटल नेपाल बुधबार, असोज १६, २०८१

काठमाडौं। यात्रुको चाप बढेपछि रात्रिकालीन उडान हुने देशभरका विमानस्थलमा बिहान साढे ४ बजेदेखि नै उडान हुने भएको छ।

देशभर सिर्जित बढ्दो हवाई चापलाई सम्वोधन गर्न असोज १७ देखि असोज ३० गते (घटस्थापना देखि पुर्णिमा)सम्म त्रिभुवन अन्तर्राष्ट्रिय विमानस्थल, गौतमबुद्ध, पोखरा अन्तर्राष्ट्रिय विमानस्थललगायत रात्रिकालीन उडान हुने भएको हो।

रात्रिकालीन उडान हुने सम्पूर्ण विमानस्थलहरु बिहान साढे ४ बजेदेखि राति १२ बजेसम्म अपरेशन समय (आवश्यकताअनुसार थप हुने) सम्म नै सञ्चालनमा आउने व्यवस्था मिलाइएको छ।

नेपाल नागरिक उड्डयन प्राधिकरणका अनुसार अहिले दैनिक ५ सयभन्दा बढी आन्तरिक उडान भइरहेका छन्।

राजमार्गहरुमा बाढी र पहिरोका कारण अवरोध भएको र दसैँमा ठूलो संख्यामा यात्रुहरुले उपत्यका छाड्ने भएकोले बिहानैदेखि विमानस्थलबाट उडान गर्न अनुमति दिइएको हो।

प्रकाशित मिति: बुधबार, असोज १६, २०८१ १५:०८

प्रतिक्रिया दिनुहोस्