बुद्धले भित्र्यायो नयाँ जहाज, एटिआर विमान संख्या १९ पुगे

पर्यटन

गृहपृष्ठ
पर्यटन

बुद्धले भित्र्यायो नयाँ जहाज, एटिआर विमान संख्या १९ पुगे

क्यापिटल नेपाल शनिबार, मंसिर २२, २०८१

काठमाडौं। बुद्ध एयरले नयाँ जहाज भित्र्याएको छ। कम्पनीले भित्र्याएको १९औं एटिआर जहाज–७२ आगामी डिसेम्बर अन्त्यबाट उडान भरिने जनाएको छ। बुद्ध एयरले कल साइन एननाइन एओजी जहाज फ्रान्सको एटिआर कम्पनी, तुलुसबाट भित्र्याएको हो। योसँगै कम्पनीका एटिआर–७२ जहाज संख्या १६ पुगेको छ।

हाल बुद्ध एयरसँग ३ वटा एटिआर–४२–३२० र १६ वटा एटिआर–७२–५०० जहाज छन्। उडान संख्या उल्लेख्य वृद्धि भएपछि यात्रु सुविधलाई लक्षित गरेर नयाँ जहाज भित्र्याइएको बुद्ध एयरका बजार निर्देशक रुपेश जोशीले बताए।

आन्तरिकतर्फ अहिले दैनिक १४० बढी उडान भरिरहेको कम्पनीले जनाएको छ। अन्तर्राष्ट्रियतर्फ काठमाडौंबाट भारतको वाराणसी साताको ३ दिन उडान गर्दै आएको छ।

प्रकाशित मिति: शनिबार, मंसिर २२, २०८१ १०:५३

प्रतिक्रिया दिनुहोस्