विकासका लागि तीनै तहका सरकारबीच सहकार्य आवश्यक: प्रधानमन्त्री

राजनीति

गृहपृष्ठ
राजनीति

विकासका लागि तीनै तहका सरकारबीच सहकार्य आवश्यक: प्रधानमन्त्री

क्यापिटल नेपाल सोमबार, फागुन ५, २०८१

काठमकाडौं । प्रधानमन्त्री केपी शर्मा ओलीले विकास र समृद्धिका लागि तीनै तहका सरकारबीच सहकार्य आवश्यक रहेको बताएका छन् । लुम्बिनी प्रदेशसभा बैठकलाई विशेष सम्बोधन गर्दै उनले यस्तो बताएका हुन् ।

उनले भगवान् गौतम बुद्धको जन्मस्थल तथा अन्य ऐतिहासिक र धार्मिकस्थलहरूले यो प्रदेशलाई विशेष बनाएको उल्लेख गरे । लुम्बिनी प्रदेश प्राकृतिक, सांस्कृतिक तथा आर्थिक रूपमा समृद्ध बन्दै गएको बताउँदै प्रधानमन्त्री ओलीले राजधानी सफलतापूर्वक कार्यान्वयनमा आएको जिकिर गरे ।

सङ्घीयताले विकास सम्भव छ भन्ने उदाहरण लुम्बिनी प्रदेशले प्रस्तुत गरिरहेको उनको भनाइ छ । हालै निर्माणसम्पन्न अन्तरराष्ट्रिय विमानस्थल, फराकिलो सडक तथा पूर्वाधार विकासलाई प्रदेशको प्रगतिको सूचकका रूपमा व्याख्या गर्नुपर्नेमा प्रधानमन्त्रीले जोड दिए ।

प्रकाशित मिति: सोमबार, फागुन ५, २०८१ १५:१९

प्रतिक्रिया दिनुहोस्