कुलमान घिसिङ आफूखुसी ढङ्गले अघि बढ्न खोजेको ऊर्जामन्त्रीको आरोप

राजनीति

गृहपृष्ठ
राजनीति

कुलमान घिसिङ आफूखुसी ढङ्गले अघि बढ्न खोजेको ऊर्जामन्त्रीको आरोप

क्यापिटल नेपालमंगलबार, फागुन ६, २०८१

काठमाडौं। ऊर्जा,जलस्रोत तथा सिँचाइमन्त्री दीपक खड्काले विद्युत् प्राधिकरणका कार्यकारी निर्देशक कुलमान घिसिङ आफूखुसी ढङ्गले अघि बढ्न खोजको आरोप लगाएका छन्। आज बसेको प्रतिनिधिसभा बैठकमा बोल्दै उनले सो आरोप लगाएका हुन्।

यस्तै,उर्जामन्त्री खड्काले नेपाल विद्युत प्राधिकरणको वर्तमान एमडीका कारण लोडसेडिङ अन्त्य भएको भन्दै खुशी हुनुपर्ने कारण नरहेको बताए। उनले तथ्यहिन कुरा रोष्टममा बोलेर एउटा मन्त्रीलाई आरोप लगाउँदा त्यसले समाजमा पार्ने असरको बारेमा ख्याल राख्न आग्रह गरेका छन्।

गत माघ २४ गतेको प्रतिनिधिसभा बैठकमा नेकपा माओवादी केन्द्रका अध्यक्ष एवम् पूर्वप्रधानमन्त्री पुष्पकमल दाहाल प्रचण्डले संसदमा उर्जा मन्त्रालयसँग सम्बन्धित भएर उठाएको प्रश्नको उत्तर दिँदै उनले केही सञ्चार माध्याममा आएका समाचारका भरमा धारणा बनाउँदा मुलुक कहाँ पुग्छ भनी प्रश्न गरे। पूर्वप्रधानमन्त्रीले विषयको गहिराई नबुझीकन सामाजिक सञ्जाल र सञ्चारमाध्याममा आएका समाचारलाई धारणा बनाएर बोल्दा सांसदहरु र संसदको गरिमा घट्दै जाने उनको भनाइ छ।

प्रकाशित मिति: मंगलबार, फागुन ६, २०८१ १७:४९

प्रतिक्रिया दिनुहोस्