युएसएसडी प्रणालीमा आधारित भुक्तानी कारोबारको सीमा निर्धारण, प्रतिव्यक्ति ५ हजार रुपैयाँ मात्रै

बैंकिङ

गृहपृष्ठ
बैंकिङ

युएसएसडी प्रणालीमा आधारित भुक्तानी कारोबारको सीमा निर्धारण, प्रतिव्यक्ति ५ हजार रुपैयाँ मात्रै

क्यापिटल नेपालबुधबार, फागुन २१, २०८१

काठमाडौं। नेपाल राष्ट्र बैंकले अनस्ट्रक्चरेड सप्लिमेन्ट्री सर्भिस डाटा वा असंरचित अतिरिक्त सेवा डाटा (युएसएसडी) प्रणालीमार्फत हुने भुक्तानी कारोबारको सीमा निर्धारण गरेको छ। राष्ट्र बैंक भुक्तानी प्रणाली विभागले परिपत्र जारी गर्दै युएसएसडी प्रणालीमा आधारित भुक्तानी कारोबारको दैनिक अधिकतम सीमा र प्रतिकारोबारको सीमा निर्धारण गरेको हो।

यसअघि युएसएसडीमार्फत् हुने कारोबारको सीमा तोकिएको थिएन। राष्ट्र बैंकले दैनिक अधिकतम सीमा १० हजार र प्रतिव्यक्ति कारोबार ५ हजार रुपैयाँ मात्रै गर्न पाउने व्यवस्था गरेको छ। उक्त व्यवस्थाले डिजिटल भुक्तानी प्रणालीलाई थप सुरक्षित र व्यवस्थित बनाउने विश्वास गरिएको राष्ट्र बैंकले उल्लेख गरेको छ।

युएसएसडी प्रणाली मुख्यत स्मार्टफोन नभएका वा इन्टरनेट पहुँच कम भएका व्यक्तिका लागि महत्वपूर्ण भुक्तानी माध्यमको रूपमा प्रयोग हुँदै आएको छ। युएसएसडी प्रणालीमार्फत हुने कारोबारको सीमा निर्धारणले वित्तीय गतिविधिलाई थप पारदर्शी बनाउने तथा जोखिम न्यूनीकरण गर्न सहयोग गर्ने अपेक्षा गरिएको छ।

प्रकाशित मिति: बुधबार, फागुन २१, २०८१ १९:२६

प्रतिक्रिया दिनुहोस्