एक दशकपछि बैंकिङ क्षेत्रमा फर्किए बीएन घर्ती, बेष्ट फाइनान्स सीईओ नियुक्त

बैंकिङ

गृहपृष्ठ
बैंकिङ

एक दशकपछि बैंकिङ क्षेत्रमा फर्किए बीएन घर्ती, बेष्ट फाइनान्स सीईओ नियुक्त

क्यापिटल नेपाल सोमबार, फागुन २६, २०८१

काठमाडौं । एक दशकपछि बीएन घर्ती बैंकिङ क्षेत्रमा फर्किएका छन् । गैरआवासीय नेपाली(एनआरएन)हरुको लगानी रहेको बेष्ट फाइनान्सले घर्तीलाई प्रमुख कार्यकारी अधिकृत(सीईओ) पदमा नियुक्त गरेको हो । बेष्ट फाइनान्समा गैरआवासीय नेपाली कतारका आरके शर्मा,जापानका रोविन्द श्रेष्ठ गोविन्द सहित नेपाली व्यवसायीहरुको लगानी रहेको छ । बेष्ट फाइनान्सको सञ्चालक समितिको बैठकले चार वर्षको लागि सीईओमा नियुक्ति दिएको हो ।

११ वर्ष अगाडि घर्ती तत्कालिन किष्ट बैंकमा कामू सीईओको भूमिका थिए । घर्ती पछिल्लो समय बैंकिङ परामर्शको क्षेत्रमा सक्रिय थिए । घर्तीले लेखेको ‘बैंकिङ अनुशासन’ पुस्तकले यो वर्षको सामना बैंकिङ पुरस्कार पाएका थिए ।

पुस्तकमा विकास बैंक र फाइनान्स कम्पनी चलाउनुपर्ने भएपनि अहिलेको अवस्थामा चलाउन नसकिने निष्कर्ष निकालेका घर्तीलाई समस्याग्रस्तबाट माथि उठेको बेष्ट फाइनान्स चलाउने जिम्मा आएको हो ।

घर्तीको परामर्शमा नै समस्याग्रस्त घोषणा भएको बेष्ट फाइनान्स त्यसबाट हटेको थियो । उनले नेपाल फाइनान्स र सम्बृद्धि फाइनान्सलाई समेत समस्याग्रस्तबाट हटाउन परामर्शदाताको रुपमा काम गरेका थिए । व्यवस्थापनमा एमबीए गरेका घर्ती पछिल्लो समय पीएचडी समेत गर्दै छन् ।

प्रकाशित मिति: सोमबार, फागुन २६, २०८१ ११:५८

प्रतिक्रिया दिनुहोस्