प्रतिकूल मौसमका कारण हवाई उडान प्रभावित, दर्जनौं विमान अकासमै ‘होल्ड’

पर्यटन

गृहपृष्ठ
पर्यटन

प्रतिकूल मौसमका कारण हवाई उडान प्रभावित, दर्जनौं विमान अकासमै ‘होल्ड’

क्यापिटल नेपाल बुधबार, फागुन २८, २०८१

काठमाडौं। त्रिभुवन अन्तर्राष्ट्रिय विमानस्थल कार्यालयले प्रतिकूल मौसमका कारण आवश्यक भिजिबिलिटी नहुँदा आन्तरिक र अन्तर्राष्ट्रियतर्फका हवाई उडान प्रभावित भएको जनाएको छ।

विमानस्थलका महाप्रबन्धक जगन्नाथ निरौलाका अनुसार मौसम प्रतिकूल हुँदा न्यून भिजिबिलिटीका कारण केही विमान अकासमै ‘होल्ड’मा परेका हुन्। विमानस्थल कार्यालयका अनुसार जापानको नारिताबाट आएको नेपाल एयरलाइन्सको विमान केही समय होल्ड भएपछि अवतरण भएको छ।

कतारको दोहाबाट आएको कतार एयरवेज, भारतको नयाँ दिल्लीबाट आएको एयर इन्डिया, मलेसियाको क्वालालम्पुरबाट आएको बाटिक एयर, दुबईबाट आएको फ्लाइ दुवई, भैरहवाबाट आएको फ्लाई दुबई, धनगढीबाट आएको बुद्ध एयर, पोखराबाट आएको यती एयरलाइन्सका विमान कम भिजिबिलिटीका कारण होल्डमा परेको कार्यालयले जनाएको छ।

प्रकाशित मिति: बुधबार, फागुन २८, २०८१ १७:१६